| e-texts navigator |
| བོད་ཡིག |
183b1 dang / byang chub sems dpa' mthu chen thob dang / byang chub sems dpa'i 'khor mang po bye ba khrag khrig phrag 'bum klu'i rgyal po rgya mtsho dga' bar bya ba dang / bcom ldan 'das la mchod pa'i las bya ba'i phyir
183b2 lhags so/ /de dag gis kyang bcom ldan 'das la mchod pa'i bkod pa snga ma gang yin pa de mog mog por byed cing mi mngon par byed pa de lta bu mchod pa byas so/ /de bzhin du bcom ldan 'das de bzhin gshegs
183b3 pa bzod dka'i sangs rgyas kyi zhing 'jig rten gyi khams 'od zer can nas kyang byang chub sems dpa' 'od kyi tog dang / 'od kyi dpal gnyis 'ongs so/ /bcom ldan 'das de bzhin gshegs pa mi 'khrugs pa'i
183b4 sangs rgyas kyi zhing 'jig rten gyi khams mngon dga' nas kyang byang chub sems dpa' spos kyi glang po dang / glang chen spos kyi glang po gnyis 'ongs so/ /bcom ldan 'das de bzhin gshegs pa nyi zla'i sangs rgyas
183b5 kyi zhing 'jig rten gyi khams rnam par snang byed nas kyang byang chub sems dpa' seng ge dang / seng ge'i blo gros gnyis 'ongs so/ /bcom ldan 'das de bzhin gshegs pa spyan bzangs kyi zhing 'jig rten gyi khams mig mi
183b6 'dzum pa nas kyang byang chub sems dpa' kha lo sgyur ba dang / chos thams cad la dbang byed pa gnyis 'ongs so/ /bcom ldan 'das de bzhin gshegs pa kun tu snang ba'i sangs rgyas kyi zhing 'jig rten gyi khams snang ba
183b7 can nas kyang byang chub sems dpa' rin chen dkyil 'khor can dang / rin chen ta la gnyis 'ongs so/ /bcom ldan 'das de bzhin gshegs pa rin chen dpal gyi sangs rgyas kyi zhing 'jig rten gyi khams
183b8 dga' ba'i snying po nas kyang byang chub sems dpa' mthong ba don yod dang / rnam par gnon pa don yod gnyis 'ongs so/ /bcom ldan 'das de bzhin gshegs pa kun tu rnam par gzigs kyi sangs rgyas kyi zhing 'jig rten
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo