| e-texts navigator |
| བོད་ཡིག |
183a1 nyan thos chen po rnams 'khod do/ /mdun logs na ni brgya byin bye ba phrag drug bcu lag pa g.yas pas lam mtshon par byed do/ /tshangs pa bye ba phrag drug bcu ni nam mkha'i dkyil na 'khod do/ /bcom ldan
183a2 'das la rin po che'i gdugs rnams 'dzin to/ /lha bye ba phrag drug bcu ni bcom ldan 'das kyi snam logs na 'khod de/ me tog gi char 'bebs so/ /'dod pa na spyod pa'i lha'i bu rnams ni bcom ldan 'das
183a3 la mchod pa'i las bya ba'i phyir sil snyan bye ba phrag drug bcu dkrol bar byed do/ /lha'i bu mo bye ba phrag drug bcu ni bcom ldan 'das kyi shul spos chus chag chag 'debs so/ /klu'i bu mo bye ba phrag drug bcu ni nam
183a4 mkha'i dkyil na 'khod de/ ro stod khebs pa'i mu tig gi phreng ba dag 'phyang bar byed do/ /mi 'am ci bye ba phrag drug bcu ni bcom ldan 'das la tshigs su bcad pa brjod pas bstond par byed do/ /dri za bye ba
183a5 phrag drug bcu ni bcom ldan 'das kyi spyan snga na/ me tog gi phreng ba rnams 'phyang bar byed do/ /lha ma yin bye ba phrag drug bcu ni ras bcos bu kha dog sna tshogs stong gis bcom ldan 'das la 'gebs par
183a6 byed do/ /klu'i rgyal po ma dros pa yang 'khor bye ba phrag brgya nam mkha'i dkyil na 'khod de/ me tog dang / spos dang / phye ma dang / byug pa dang / gos dang / gdugs dang / rgyal mtshan dang / ba dan
183a7 thams cad dang / sil snyan dang / glu dbyangs dang / pheg rdob pa dang / lha'i bkod pa thams cad kyis bcom ldan 'das la mchod pa byed de/ de la sogs pa klu'i rgyal po drug khri bcom ldan 'das
183a8 la mchod pa'i las byed pa la zhugs so/ /de bzhin gshegs pa tshe dpag tu med pa'i sangs rgyas kyi zhing 'jig rten gyi khams bde ba can nas kyang / byang chub sems dpa' spyan ras gzigs dbang phyug
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo