| e-texts navigator |
| བོད་ཡིག |
179a1 bsod nams snga mas 'di'i char mi phod/ /gang zhig byang chub sems mchog bskyed par bgyi/ /des na sangs rgyas mchod pa mchog tu 'phags/ /gang zhig
179a2 'dren rnams tshul 'di mi gcod pa/ /de ni stobs bcu kun gyi bka' drin gzo/ /klu'i rgyal po rgya mtsho'i bu dpal gyi gzi brjid des tshigs su bcad pa mngon par sgrub pa 'di smras pa na/
179a3 srog chags khris bla na med pa yang dag par rdzogs pa'i byang chub tu sems bskyed de/ de dag gis tshig 'di skad du gang gi tshe bcom ldan 'das de bzhin gshegs pa mthong ba don yod
179a4 des byang chub brnyes pa de'i tshe/ bdag cag kyang bcom ldan 'das dang phrad na/ 'jig rten gyi khams yongs su dag cing brtan pa der skye bar gyur cig /de bzhin gshegs
179a5 pa de'i dam pa'i chos yongs su 'dzin cing mchod pa dang / bsnyen bkur yang bgyid par gyur cig /bcom ldan 'das de'i 'og tu bdag cag kyang byang chub mngon par rdzogs par 'tshang
179a6 rgya bar gyur cig ces kyang smras so/ /bcom ldan 'das kyis kyang de dag thams cad 'jig rten gyi khams mthong ba don yod kyi sangs rgyas kyi zhing der skye bar lung bstan to/ /
179a7 lung bstan pa'i le'u ste lnga pa'o// // de nas bcom ldan 'das la klu'i rgyal po rgya mtshos 'di skad ces gsol to/ /bcom ldan 'das bdag cag la thugs brtse ba dang /
179a8 skye bo mang po la sman pa dang / skye bo mang po la bde ba dang / 'jig rten la thugs brtse ba'i slad du rgya mtsho chen por sang gdugs tshod gsol bar gnang bar mdzad du gsol/ de ci'i slad du zhe na
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo