| e-texts navigator |
| བོད་ཡིག |
178a1 gshegs pa de'i tshe'i tshad kyang lo khri thub par 'gyur ro/ /de'i nyan thos kyi dge 'dun ni bye ba phrag drug bcu yod do/ /byang chub sems dpa'i dge 'dun ni 'bum phrag bcu gnyis 'du bar 'gyur
178a2 ro/ /kun dga' bo de bzhin gshegs pa mthong ba don yod de sems can gang dag gi mig sngar snang ba de dag kyang mthong ba'i mod la byams pa'i rnam pa'i ting nge 'dzin thob par 'gyur ro/ /kun dga'
178a3 bo de bzhin gshegs pa mthong ba don yod ni mthong ba'i mod la sems can rnams 'dul bar 'gyur ro/ /de la nyan thos kyi theg pa par gyur pa gang dag yin pa de dag ni dang po mthong bas rgyun du zhugs
178a4 par 'gyur ro/ /lan gnyis mthong bas ni lan cig phyir 'ong ba'i 'bras bu thob par 'gyur ro/ /lan gsum mthong bas ni phyir mi ldog pa'i 'bras bu thob par 'gyur ro/ /lan bzhi mthong bas ni dgra
178a5 bcom pa nyid thob par 'gyur ro/ /byang chub sems dpa'i theg pa par gyur pa gang dag yin pa de dag ni de bzhin gshegs pa mthong ba don yod de mthong ba'i mod kho na la mi skye ba'i chos rnams la bzod pa thob
178a6 par 'gyur ro/ /kun dga' bo 'jig rten gyi khams yongs su dag cing brten pa ni sems can su yang tshul khrims nyams pa 'am/ lta ba nyams pa 'am/ cho ga nyams pa 'am/ 'tsho ba nyams par mi 'gyur
178a7 te/ de dag thams cad yang dag pa nyid du nges par 'gyur ro/ /sems can de nas shi 'phos pa su yang ngan 'gror 'gro bar mi 'gyur te/ de dag thams cad lha dang mi rnams kyi nang du skye bar 'gyur ro/ /sangs rgyas kyi
178a8 zhing yongs su dag pa dag tu yang skye bar 'gyur ro/ /de nas klu'i rgyal po rgya mtsho'i bu dpal gyi gzi brjid kyis bdag nyid lung bstan pa thos nas/ tshim zhing mgu la yi rangs te/ rab tu dga' nas dga' ba dang / yid
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo