| e-texts navigator |
| བོད་ཡིག |
175b1 klu'i bu mo rnams de ltar tshad med do/ /klu'i bdag po da dung yang nga yongs su mya ngan las 'das pa'i 'og phyi ma'i dus phyi ma'i tshe na dge slong sdig can rnams dang / dge slong ma sdig can rnams
175b2 dang / dge bsnyen ma sdig can rnams tshul khrims nyams pas klu'i skye gnas rnams su skye bar 'gyur ro/ /de'i nang nas kha cig ni sems can dmyal ba rnams su ltung bar 'gyur ro/ /
175b3 gsol pa/ bcom ldan 'das rab tu byung bar gtogs la tshul khrims nyams pa klu'i skye gnas rnams su skyes pa dang / skye bar 'gyur ba gang lags pa de dag gi las rnams la khyad par
175b4 ci mchis lags/ bcom ldan 'das kyis bka' stsal pa/ klu'i bdag po rab tu 'byung bar gtogs la tshul khrims nyams pa klu'i skye gnas rnams su skyes pa dang / skye bar
175b5 'gyur ba gang yin pa de dag gi sbyor ba ni yongs su ma dag la/ de bzhin gshegs pa'i bstan pa la yid ches pa'i phyir de dag gi bsam pa ni yod de/ de dag ni klu'i skye gnas de nas
175b6 shi 'phos nas lhag pa'i bsam pa de'i stobs kyis lha dang mi rnams kyi nang du skye bar 'gyur te/ bskal pa bzang po 'di la sangs rgyas su 'gyur ba gang yin pa de'i de bzhin gshegs
175b7 pa de dag gi bstan pa la theg pa ji lta ba bzhin du mos par 'gyur te/ theg pa chen po la zhugs pa rnams ma gtogs par thams cad kyang bskal pa bzang po 'di nyid la yongs su mya ngan las
175b8 'da' bar 'gyur ro/ /klu'i bdag po de bzhin gshegs pa'i bstan pa'i che ba nyid dang / rab tu byung ba'i yon tan gyi rgyu'i khyad par la ltos/ 'di ltar sems can
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo