| e-texts navigator |
| བོད་ཡིག |
174a1 de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das klu'i skye gnas su skyes pa dag kyang 'di ltar bla na med pa yang dag par rdzogs
174a2 pa'i byang chub tu sems bskyed par bgyid la/ 'di na mir gyur pa kha cig ni byang chub tu sems bskyed pa'i rngo mi thog pa ni ngo mtshar lags so/ /bcom ldan 'das kyis bka' stsal pa/ shA
174a3 ri'i bu klu khri nyis stong bo 'di dag ni de bzhin gshegs pa 'od srung gi gsung rab la rab tu byung bar gyur te/ 'di dag gis de bzhin gshegs pa de las byang chub kyi sems dang ldan pa'i gtam
174a4 cig thos so/ /thos nas kyang de bzhin gshegs pa de la legs so zhes bya ba gsol te/ theg pa chen po ni bsam gyis mi khyab ste/ legs so legs so zhes tshig tu smras so/ /
174a5 mi dge ba'i 'du 'dzi 'di lta ste/ mdza' bshes kyi khyim dang / slongs mo ster ba'i khyim yongs su bzung ba'i phyir tshul khrims rnams nyams su ma blangs par gyur te/ tshul khrims
174a6 nyams par byas pa de na 'di dag de nas shi 'phos nas klu'i skye gnas su skyes par gyur to/ /'di dag gi theg pa chen po'i gtam de thos la bcom ldan 'das de la yang legs so
174a7 zhes bya ba gsol ba'i rgyu de dang rkyen de dang dge ba'i rtsa ba des ni da ltar nga las theg pa chen po'i gtam thos te/ mi zad pa'i za ma tog gi gzungs bstan pa thos nas bla na med pa yang
174a8 dag par rdzogs pa'i byang chub tu sems skyes so/ /shA ri'i bu lhag pa'i bsam pa'i khyad par la ltos/ ngas 'di dag bla na med pa yang dag par rdzogs pa'i byang chub tu lung bstan te/
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo