| e-texts navigator |
| བོད་ཡིག |
168a1 rgyas 'bum phrag mang po las gzungs 'di'i don yang dang yang du thos te/ des na da ltar khyod 'di ltar dran pa dang ldan pa dang / 'di ltar blo gros dang ldan pa dang / 'di ltar rtogs pa
168a2 dang ldan pa dang / 'di ltar spobs pa phun sum tshogs pa dang / 'di ltar shes rab dang ye shes dang ldan pa yin no/ /klu'i bdag po gang dag mi zad pa'i za ma tog gi gzungs 'di'i ming tsam 'am/
168a3 bstan pa'i phyogs tsam thos pa de dag thams cad kyang spobs pa mi zad par nges par 'byung bar 'gyur ro/ /de ci'i phyir zhe na/ gzungs 'di'i rgyu dang 'thun pa ni de yin pa'i phyir ro/ /klu'i bdag
168a4 po gzungs kyi nges par 'byung ba'i bsrung ba 'di phyi ma'i dus phyi ma'i tshe spyod par 'gyur ba gang yin pa de dag thams cad kyang de bzhin gshegs pa'i byin gyi brlabs kho na las gyur par blta bar bya'o/ /
168a5 klu'i bdag po de la gzungs 'di ni chos kyi phung po brgyad khri bzhi stong gi sgo yin no/ /spyod pa brgyad khri bzhi stong la 'jug pa yin no/ /ting nge 'dzin brgyad khri bzhi stong gi rjes su 'gro ba yin no/ /
168a6 gzungs brgyad khri bzhi stong gi rtsa ba ni mi zad pa'i za ma tog gi gzungs 'di nyid yin no/ /klu'i bdag po byang chub sems dpas phyogs bcur chags pa med cing thogs pa med par so so yang dag
168a7 par rig pa bzhis chos kyi char chen po rab tu 'bebs pa gang yin pa de yang mi zad pa'i za ma tog gi gzungs 'ba' shig gi rgyu dang 'thun pa las gyur pa yin no/ /klu'i bdag po de la mi zad pa'i za
168a8 ma tog gi gzungs 'di la 'jug pa'i tshig rnams dang / mtshams sbyor ba'i tshig rnams dang / lha dang / klu dang / gnod sbyin dang / dri za dang / lha ma yin dang / nam mkha' lding gi bsrung ba'i tshig
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo