rKTs

e-texts navigator

Volume

Page

167a₁ bdun gyi 'khor ba phyir bsnyil bar gyur to/ /bskal pa khri'i bar du las kyi sgrib pa bsags pa ni rnam par dag par gyur to/ /sangs rgyas 'bum ni de'i mig lam du snang bar gyur to/ /sangs
167a₂ rgyas bye ba phrag 'bum mngon sum du mthong bar 'gyur ba'i dge ba'i rtsa ba yang des yongs su bzung ba'o/ /gang gA'i klung gi bye ma snyed kyi brgya byin dang / tshangs pa dang / 'jig rten skyong du 'gyur ba dang /
167a₃ 'khor los sgyur ba'i rgyal srid 'thob pa'i dge ba'i rtsa ba yang bskyed do/ /dran pa dag pa zhes bya ba'i thos pa'i gzungs kyang thob ste/ thos pa'i gzungs des na sangs rgyas brgyas gsungs pa'i yang dag
167a₄ par 'dzin par byed do/ /gzhon nu de dag dang de dag gi ma de rnams kyis kyang rjes su 'thun pa'i chos kyi bzod pa thob bo/ /btsun mo de dag gi nang nas kyang bud med brgyad khri bzhi stong gis ni byang chub tu
167a₅ sems bskyed do/ /bud med brgyad khri bzhi stong gis ni bzod pa thob par gyur to/ /lha dang mi khrag khrig phrag dgu bcus ni byang chub tu sems bskyed do/ /lha dang mi brgyad khri bzhi stong gis bzod
167a₆ pa thob par gyur to/ /nyan thos kyi theg pa pa khrag khrig phrag sum bcu rtsa gnyis ni chos rnams la chos kyi mig rnam par dag pa'o/ /dge slong khri drug stong ni len pa med par zag pa rnams las
167a₇ sems rnam par grol lo/ /rgyal po bsod nams mi zad pa yang rgyal srid thams cad spangs nas lha dang mi'i 'dod pa rnams la don du gnyer ba med par bla na med pa yang dag par rdzogs pa'i byang
167a₈ chub 'di nyid la rten bcas te/ dad pas khyim nas khyim med par rab tu byung ngo / /rab tu byung ba de thos nas rgyal po de'i bu de dag thams cad kyang rab tu byung ngo / /de dag kyang rab tu byung bar shes nas

_{iiif viewer powered by OpenSeadragon}

166b - 167b

Texts on this page