rKTs

e-texts navigator

Volume

Page

166a₁ med cing dge ba'i rtsa ba thams cad kyang zad par mi byed la gong du yang rnam par 'phel bar byed pa dang / byang chub kyi sems kyi bsam pa yang rnam par mi spong ba ste/ klu'i bdag po chos bzhi
166a₂ po de dag dang ldan na rgyal rigs spyi bo nas dbang bskur ba'i rgyal pos chos kyi dbang phyug thob par 'gyur la/ dge ba'i chos rnams kyis kyang khyad par du 'gro bar 'gyur ro/ /de skad ces bka' stsal pa dang / de
166a₃ bzhin gshegs pa tshangs pa'i dpal lha'i rgyal po la rgyal po bsod nams mi zad pas 'di skad ces gsol to/ /bcom ldan 'das chos gang dag dang ldan na byang chub sems dpas chos la dbang phyug
166a₄ thob par 'gyur lags/ bcom ldan 'das des bka' stsal pa/ rgyal po chen po chos brgyad dang ldan na byang chub sems dpas chos la dbang phyug thob par 'gyur te/ brgyad gang zhe na/ rnam par rtse
166a₅ zhing mi nyams par 'gro ba'i mngon par shes pa lnga dang ldan pa yin/ chags pa med pa dang / thogs pa med pa dang / bskyod du med pa'i shes rab dang ldan pa yin/ ye shes kyis bsdus pa dang / yongs su
166a₆ sbyang bar byas pa dang / mngon par 'du byed pa med pa'i rdzu 'phrul gyi rkang pa bzhi dang ldan pa yin/ shes rab dang ye shes nges pa dang / lta ba dang / nyon mongs pa thams cad dang bral ba'i so so yang dag par
166a₇ rig pa bzhi dang ldan pa yin/ sangs rgyas kyi byin gyi rlabs kyis byin gyis brlabs pa dang / chags pa med pa'i byin gyi brlab pas byin gyi brlabs kyi stobs dang ldan pa yin/ bsod nams mi zad pa'i rgya
166a₈ mtsho'i phyag rgya'i ting nge 'dzin dang ldan pa yin/ sems can thams cad mgu bar bya ba dang / sangs rgyas kyi chos thams cad la yang dag par gzhol ba dang / brjed ngas pa med pa yongs su dag pa'i

_{iiif viewer powered by OpenSeadragon}

165b - 166b

Texts on this page