| e-texts navigator |
| བོད་ཡིག |
162a1 lta bur chos kyi nor bu 'thun par sbyin pa yang yin no/ /'gro ba thams cad kyi bkod pa'i snying po zhes bya ba'i yid bzhin gyi nor bu rin po che lta bur sems can thams cad kyi bsam pa yongs su rdzogs par
162a2 byed pa yang yin te/ klu'i bdag po de ltar na mi zad pa'i za ma tog gi gzungs la gnas pa'i byang chub sems dpa' ni byang chub kyi snying po la gnas pa zhes rjod do/ /klu'i bdag po dper na rgya mtsho chen po ni
162a3 rin po che chen po thams cad kyi 'byung gnas dang / rin po che thams cad kyi za ma tog yin pa de bzhin du mi zad pa'i za ma tog gi gzungs la gnas pa'i byang chub sems dpa' ni chos thams cad kyi 'byung gnas
162a4 dang / chos thams cad kyi za ma tog yin no/ /klu'i bdag po dper na spos brgya phrag du ma yod pa'i spos kyi za ma tog ni sems can thams cad spos kyis yongs su mgu bar byed pa de bzhin du mi zad pa'i za
162a5 ma tog gi gzungs la gnas pa'i byang chub sems dpa' ni sems can thams cad la legs par smra bas yang dag par mgu bar byed do/ /klu'i bdag po gzhan yang gzungs 'di ni sgra thams cad la 'jug pa
162a6 ste/ 'di ni byang chub kyi sems shes bya ba gang yin pa de ni de bzhin gshegs pa rin chen gdugs gcig pa'i sangs rgyas kyi zhing mi zad pa dang ldan pa'i 'jig rten gyi khams na mnyam par bzhag pa zhes bya'o/ /'di na
162a7 thams cad mkhyen pa nyid ces bya ba gang yin pa de ni de bzhin gshegs pa sred med kyi bu'i sangs rgyas kyi zhing khyad par sdus pa'i 'jig rten gyi khams na thams cad dang ldan pa zhes bya'o/ /'di na sbyin pa'i pha rol tu
162a8 phyin pa zhes bya ba gang yin pa de ni de bzhin gshegs pa grub par gshegs pa'i sangs rgyas kyi zhing zhi ba'i 'jig rten gyi khams na gzi byin can zhes bya'o/ /'di na tshul khrims kyi pha rol tu phyin pa zhes bya ba gang
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo