rKTs

e-texts navigator

Volume

Page

159a₁ du chos thams cad kyang gzugs med cing bstan du med par sems kyi dmigs pa rnams las 'byung ngo / /dper na yi ge rnams ni skad cig pa dang / ya ma brla dang / gsob dang / gsog yin la/ de rnams
159a₂ kyi byed pa po 'ga' yang med pa de bzhin du chos thams cad kyang skad cig pa dang / ya ma brla dang / gsob dang / gsog yin la de rnams kyi byed pa po 'ga' yang med do/ /dper na yi ge rnams ni chags pa yang med/ sdang
159a₃ ba yang med/ rmongs pa yang med par 'byung la/ yi ge'i rnam par rig byed des kyang byis pa rnams rjes su chags pa 'am/ khong khro ba 'am/ rmongs par 'gyur ba de bzhin du chos thams cad kyang chags pa med do/ /
159a₄ sdang ba yang med/ rmongs pa yang med par yongs su rtog pa la mngon par zhen pas 'dod chags dang / zhe sdang dang / gti mug skye bar 'gyur ro/ /dper na yi ge'i brdas ni 'bras bu thob par yang bstan la yi ge rnams
159a₅ kyis thob pa yang med/ mngon sum du bya ba yang med pa de bzhin du chos rnam par gzhag pas 'bras bu thob pa bstan mod kyi/ 'di la chos 'ga'i 'thob pa 'am/ mngon sum du bya ba yang med do/ /dper na chos
159a₆ gang yang yi ge rnams kyis ma bsdus pa med pa de bzhin du chos gang yang byang chub kyis ma sdus pa med de/ klu'i bdag po de ltar na mi zad pa'i za ma tog gi gzungs la gnas pa'i byang chub sems dpa' ni yi ge
159a₇ rnams kho nas byang chub tshol bar byed do/ /yi ge rnams kho nas byang chub ston par byed do/ /yi ge rnams kho nas byang chub gleng bar byed do/ /yi ge rnams kho nas byang chub la reg par byed do// //
159a₈ bam po gsum pa/ klu'i bdag po byang chub sems dpa' ni mi zad pa'i za ma tog gi gzungs thob pas stobs bcu thob par 'gyur ro/ /mi 'jigs pa bzhi dang / ma 'dres pa bcwa brgyad dang / sangs rgyas kyi

_{iiif viewer powered by OpenSeadragon}

158b - 159b

Texts on this page