| e-texts navigator |
| བོད་ཡིག |
156a1 bzhi gang zhe na/ 'di lta ste/ nyon mongs pa thams cad kyis tshugs par dka' ba dang / bdud thams cad kyis tshugs par dka' ba dang / phas kyi rgol ba thams cad kyis tshugs
156a2 par dka' ba dang / gzhan gyis byas pa thams cad kyis tshugs par dka' ba ste/ bzhi po de dag go/ /klu'i bdag po bzhi po 'di dag ni mi zad pa'i za ma tog gi gzungs kyi ma 'dres pa ste/
156a3 bzhi gang zhe na/ nyan thos dang / rang sangs rgyas rnams dang ma 'dres pa dang / rnyed pa dang / bkur sti dang / tshigs su bcad pa thams cad kyis ma 'dres pa dang / bag chags kyi mtshams
156a4 sbyor ba thams cad dang ma 'dres pa dang / so so skye bo'i nyes pa thams cad dang ma 'dres pa ste/ bzhi po de dag ma 'dres pa yin no/ /klu'i bdag po bzhi po 'di dag ni mi zad pa'i za ma
156a5 tog gi gzungs la smad du med pa ste/ bzhi gang zhe na/ skye ba smad du med pa dang / tshul khrims 'chal pa'i sems can yongs su smin par bya ba smad du med pa dang / chos bstan
156a6 pa'i bre mo gtam gcig pu la smad du med pa dang / theg pa chen pos sgrol ba'i phyir slong ba po smad du med pa ste/ bzhi po de dag ni smad du med pa yin no/ /klu'i bdag po bzhi po 'di dag ni
156a7 mi zad pa'i za ma tog gi gzungs kyi stobs yin te/ bzhi gang zhe na/ sems can thams cad kyi nyes pa byas pa bzod pa'i phyir bzod pa'i stobs dang / sems can thams cad kyi som nyi gcod
156a8 pa'i phyir ye shes kyi stobs dang / sems can thams cad kyi sems dang spyod pa yongs su shes pa'i phyir mngon par shes pa'i stobs dang / so so ci rig par chos ston pa'i phyir thabs kyi stobs te/
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo