rKTs

e-texts navigator

Volume

Page

154a₁ yi ge ci yang rung ba dang / tshig ci yang rung ba de dag ni sangs rgyas kyi gsung ma yin pa med do/ /de ci'i phyir zhe na/ yi ge de dag nyid ni 'das pa dang / ma byon pa dang / da ltar byung ba'i sangs rgyas
154a₂ bcom ldan 'das rnams kyis gsungs pa dang / gsung ba dang gsung bar 'gyur ba'i phyir ro/ /de lta bas na yi ge thams cad dang / tshig thams cad ni sangs rgyas kyi gsung yin te/ de lta bu'i tshig gi don
154a₃ de la 'jug pa gang yin pa 'di ni byang chub sems dpa'i don so so yang dag par rig pa zhes bya'o/ /yi ge thams cad dang / tshig thams cad ni sangs rgyas kyi gsung yin te/ de la chos kyi dbyings dbyer med cing ro gcig par
154a₄ shes pa gang yin pa 'di ni byang chub sems dpa'i chos so so yang dag par rig pa zhes bya'o/ /yi ge thams cad dang tshigs thams cad ni sangs rgyas kyi gsung yin te/ de la ci rigs par chos la dpyod pa shes pa gang
154a₅ yin pa 'di ni byang chub sems dpa'i nges pa'i tshig so so yang dag par rig pa zhes bya'o/ /yi ge thams cad dang tshig thams cad ni sangs rgyas kyi gsung yin te/ de la ci rigs pa'i gnas las chags pa med
154a₆ par ston pa shes pa gang yin pa 'di ni byang chub sems dpa'i spobs pa so so yang dag par rig pa zhes bya'o/ /klu'i bdag po de ltar na so so yang dag par rig pa bzhis ma bsdus pa'i chos gang yang med la/ so so
154a₇ yang dag par rig pa thob pa'i byang chub sems dpa' yang yi ge ci yang rung ba de dang / tshig ci yang rung ba de dang / nges pa'i tshig gang yang rung ba gang yin pa de ni sangs rgyas kyi gsung yin no zhes bya ba la 'jug ste/
154a₈ des na de ni chags pa med cing thogs pa med par bskal pa stong gi bar du yang ston cing 'chad de thogs pa yang med do/ /de ci'i phyir zhe na/ klu'i bdag po 'di ni mi zad pa'i za ma tog ces bya ba'i gzungs yin te/

_{iiif viewer powered by OpenSeadragon}

153b - 154b

Texts on this page