| e-texts navigator |
| བོད་ཡིག |
153a1 'thob pa dang / byang chub sems dpa' rnams kyis mi skye ba'i chos rnams la bzod pa 'thob pa dang / de bzhin gshegs pa rnams kyi bla na med pa yang dag par rdzogs pa'i byang chub mngon par rdzogs
153a2 par 'tshang rgya bar 'gyur ba 'di ni sangs rgyas kyi gsung zhes bya'o/ /de yang kun rdzob kyi gzhi'i gnas las brten pa yin gyi don dam par ni ji ltar yang sangs rgyas kyi gsung tha snyad du gdags par mi nus te/
153a3 sangs rgyas kyi gsung ni tshig med pa'o/ /sangs rgyas kyi gsung ni ngag med pa sgra med pa/ tshig gi lam med pa brjod du med pa/ rnam par rig par byed pa med pa/ gdags pa med pa/ ming med pa/
153a4 mtshan ma med pa/ bye brag phyed pa med pa/ rnam par shes pa med pa/ bsam du med pa/ bsam gyis mi khyab pa la 'jug pa ste/ rab tu dbye ba dang / brda sprad pa dang / nye bar bstan par mi nus so/ /
153a5 klu'i bdag po sangs rgyas kyi gsung ni de lta bu yin no/ /de ci'i phyir zhe na/ klu'i bdag po nga yi ge 'dod pa'i sems can rnams la chos mi ston mod kyi/ 'on kyang yi ge yongs su shes par bya ba'i phyir chos
153a6 ston te/ de bas na sangs rgyas kyi gsung ni yi ge med pa'o/ /klu'i bdag po nga ni brjod pa 'dod pa la chos mi ston mod kyi/ 'on kyang brjod pa thams cad bstsal ba'i phyir chos ston te/ de bas na
153a7 sangs rgyas kyi gsung ni brjod du med pa'o/ /klu'i bdag po nga ni rnam par rig par byed pa la mngon par zhen par bya ba'i phyir chos mi ston mod kyi/ 'on kyang rnam par rig par byed pa dang / yongs su rtog
153a8 pa thams cad nye bar zhi bar bya ba'i phyir chos ston te/ de lta bas na sangs rgyas kyi gsung ni rnam par rig par byed pa ma yin no/ /klu'i bdag po nga ni chos gzung bar bya ba'i phyir dang / chos la mngon par
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo