| e-texts navigator |
| བོད་ཡིག |
151b1 sngon myong zin kyi 'dus ma byas kyi bde ba'i yo byad ni sems can rnams kyis sngon ma myong ba'i phyir ro/ /klu'i bdag po de la 'di ltar zab pa'i chos 'di dag thos pa gang yin pa 'di ni 'dus ma byas kyi bde ba'i yo byad
151b2 pa yin te/ de bas na klu'i bdag po byang chub sems dpa' bdag gi don dang / gzhan gyi don yongs su rdzogs par byed 'dod pa rnams kyis ni chos zab mo rnams la brtson par bya'o/ /klu'i bdag po byang chub sems dpa'
151b3 'khor gyi nang du 'ongs la/ 'khor gyi nang du 'dug nas zab mo'i gtam gyi bar chad byed de/ gtam sna tshogs gleng ba gang yin pa de ni dam pa'i chos nub par bya ba'i phyir brtson pa yin na/ de ci'i phyir zhe na/ 'dzam
151b4 bu'i gling 'dir ji srid du zab mo'i chos grags pa de srid du dam pa'i chos nub par mi 'gyur ba'i phyir ro/ /klu'i bdag po gzhan yang mi chos 'dod de/ chos nyan pa ni nyung la mi ma yin pa'i chos nyan pa ni mang ste/ der dam
151b5 pa'i chos smra ba po gang gis zab mo'i gtam ni 'chab par byed la gtam sna tshogs ni/ gleng bar byed na der zab mo la mos pas lha rnams yi ma rangs par gyur te/ 'di skad du rigs kyi bu 'di ni gang kho na la 'jig
151b6 rten pa nyon mongs pa spyod pa de nyid kyi 'jig rten pa'i gtam gleng zhing 'dug ste/ kye re ngan 'di na sangs rgyas kyi gsung mi grag go zhes tshig ngan 'thon nas de dag 'khor de dag la mi dga' ste/ 'dong bar byed do/ /
151b7 smon lam gyi le'u ste gnyis pa'o// // de nas bcom ldan 'das la/ klu'i rgyal po rgya mtshos 'di skad ces gsol to/ /bcom ldan 'das ci 'jig rten pa'i sbyin pa dang / dul ba dang / legs par sdom
151b8 pa dang / des pa'i gtam dang / rab tu 'byung ba dang / nges par 'byung ba'i gtam dang / tshangs par spyod pa dang / tshul khrims dang / thos pa dang bag yod pa dang / sbyangs pa'i yon tan dang / yo byad bsnyungs pa'i gtam sangs
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo