| e-texts navigator |
| བོད་ཡིག |
150b1 kyis bka' stsal pa/ klu'i bdag po de bas na gang gzugs med cing bstan du med pa/ gzung du med pa/ yi ge med pa/ brjod du med pa'i chos 'di sems can gzhan rnams dang / gang zag gzhan rnams rang /
150b2 gang zag gzhan rnams la brda sprad cing yi ge rnams kyis mtshon te/ thabs sna tshogs kyis go bar byas pa de/ de bzhin gshegs pas ches dka' ba mdzad pa yin no/ /klu'i bdag po de bas kyang gang dag
150b3 'di ltar bstan pa'i chos 'di dag la mos par 'gyur ba 'am/ 'jug par 'gyur ba de dag ni ches ngo mtshar che ba byed pa yin no/ /klu'i bdag po gzhan yang zab mo'i tshul 'di la 'jug pa'i sems can gang
150b4 yin pa de dag ni sngon gyi de bzhin gshegs pa rnams la yongs su sbyang ba byas pa yin te/ de dag la ni bdud sdig can gyis kyang klags mi rnyed do/ /klu'i bdag po ngas mngon par shes pa 'das pa'i dus na/
150b5 sangs rgyas bcom ldan 'das tshad med pa ngas mnyes par byas te/ mchod pa yang byas/ de dag gi bstan pa la yang nga rab tu byung ste/ tshangs par spyod pa yang spyad na/ 'on kyang de bzhin gshegs pa de
150b6 dag gis nga la 'di ltar zab cing 'di ltar rgyu ba chad pa'i chos ma bstan te/ gzhan du na sbyor ba'i gtam nyi tshe dang / sbyin pa dang / dul ba dang / legs par sdom pa dang / des pa'i gtam nyi tshe dang / tshul khrims
150b7 dang / thos pa dang / gtong ba dang / bzod pa dang / brtson 'grus dang / bag yod pa'i gtam nyi tshe dang / tshangs par spyad pa dang / sbyangs pa'i yon tan dang yo byad bsnyungs pa'i gtam nyi tshe bstan to/ /de ci'i
150b8 phyir zhe na/ 'di ltar yongs su sbyang ba ma byas pa'i phyir ro/ /klu'i bdag po gang gi tshe nga yongs su sbyang ba byas par gyur de'i tshe ni ngas de bzhin gshegs pa mar me mdzad chen po las zab mo'i chos kyi tshul 'di thos so/ /
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo