rKTs

e-texts navigator

Volume

Page

148b₁ gtan no/ /de la byang chub sems dpa' shes rab kyi gnas la gnas pa'i chos lhag par mthong ba gang zhe na/ des chos gang lhag par mthong ba de dag shes rab kyi mig kho nas lhag par mthong gi/ sha'i mig
148b₂ dang / lha'i mig gis chos de dag lhag par mthong ba ma yin no/ /de dag zhi ba kho nar lhag par mthong gi ma zhi bar lhag par mthong ba ma yin no/ /de bzhin du chos rnams rgyu ba med pa dang / gnas pa med pa
148b₃ dang / dben pa dang / yongs su grub pa med par lhag par mthong ngo / /de ltar mthong ba gang yin pa de ni chos thams cad lhag par mthong ba'o/ /des chos thams cad lhag par mthong ba na gal te chos 'ga' zhig
148b₄ mthong na ni lhag mthong ma yin te/ de ci'i phyir zhe na/ chos mthong bas ni lhag mthong skyes pa ma yin la/ shes pa ni mi shes pa yin pa'i phyir ro/ /ma mthong ba ni chos lhag par mthong ba yin la/ bdag
148b₅ ma mthong ba dang / sems can ma mthong ba dang / srog dang / gso ba dang / skyes bu dang / gang zag ma mthong ba ni chos lhag par mthong ba yin te/ de ltar na byang chub sems dpa' ni chos de dag kyang
148b₆ ji lta ba bzhin du mthong la/ sems can rnams kyang phyin ci log tu gyur par mthong nas/ de'i tshe byang chub sems dpa' de kye ma chos 'di dag ni 'di ltar dag na sems can 'di dag ni/ kun nas nyon
148b₇ mongs so snyam nas sems can rnams la snying rje chen po skye'o/ /de bas na de sems can rnams rab tu grol bar bya ba'i phyir/ snying brtse ba chen po skyed do/ /sems can de dag kyang rtag tu sems can med pa kho na ste/
148b₈ 'di ni byang chub sems dpa' shes rab kyi gnas la gnas pa'i chos lhag par mthong ba'o/ /de la byang chub sems dpa' shes rab kyi gnas la gnas pa'i sems can yongs su smin par bya ba gang zhe na/ klu'i

_{iiif viewer powered by OpenSeadragon}

148a - 149a

Texts on this page