rKTs

e-texts navigator

Volume

Page

147a₁ can dag pa dang / chos thams cad dag pas bzod pa sgom pa yin te/ de ni bzod pa yang sgom la/ chos gang yang sgom par mi byed/ mi sgom par yang mi byed la/ chos gang yang bskyed pa'i phyir ram
147a₂ dgag par bya ba'i phyir yang sgom par mi byed/ chos gang yang zad par bya ba'i phyir ram/ nye bar zhi bar bya ba'i phyir yang sgom par mi byed/ sems can bdag med pa dang / sems can dben pas kyang mi skrag mi
147a₃ dngang dngang bar mi 'gyur la bzod pa de yang lus la dmigs pa dang / ngag la dmigs pa dang / sems la dmigs pas bzod par mi byed pa dang / de lus bshig pa 'am/ yan lag dang / nying lag rnams
147a₄ gcod pa na rtswa dang / shing dang rtsig pa dang 'dra bar so sor rtog cing bzod pa dang / de gzhan gyis ngan du smras pa thos na ngag ya ma brla dang ngag gsob dang ngag gsog dang / ngag gzung du med pa dang / ngag zhi ba dang / ngag
147a₅ mi gnas par shes nas bzod pa dang / de sems rnyog pa med pa dang / sems gsar ma yin pa dang / sems rnying ma yin pa dang / gcig la gcig mtshams sbyor ba med pa dang / skad cig gis 'jig pas
147a₆ med par 'gyur bar so sor rtog cing bzod la/ mtshams sbyor ba med par mthong ba 'di ni byang chub sems dpa' shes rab kyi gnas la gnas pa'i bzod pa zhes bya'o/ /de la byang chub sems dpa' shes rab
147a₇ kyi gnas la gnas pa'i brtson 'grus gang zhe na/ byang chub sems dpa' dge ba'i rtsa ba thams cad rnam par 'phel bar bya ba'i phyir brtson 'grus kyang rtsom la/ brtson 'grus rnam par 'phel ba des kyang
147a₈ chos kyi dbyings rnam par 'phel ba dang yongs su 'grib pa yang dag par rjes su mi mthong ba gang yin pa dang / des chos thams cad chos kyi dbyings su yang dag par 'du bar rig nas chos gang yang bden par

_{iiif viewer powered by OpenSeadragon}

146b - 147b

Texts on this page