rKTs

e-texts navigator

Volume

Page

146b₁ do/ /bdag mnyam pa nyid kyi sems can mnyam pa nyid do/ /sems can mnyam pa nyid kyi chos mnyam pa nyid do/ /chos mnyam pa nyid kyis byang chub mnyam pa nyid de/ mnyam pa nyid 'di dag kyang mi spong la sbyin pa yang
146b₂ sbyin par byed de/ sbyin pa de yang nyon mongs pa'i dbang gis sbyin par mi byed do/ /des de ji lta ji ltar yongs su 'jal ba de kho na bzhin du nyon mongs pa thams cad yongs su gtong bar byed de/ nyon mongs pa
146b₃ thams cad yongs su gtong ba dang / lta ba'i rnam pa thams cad nye bar zhi ba dang / rtsod pa thams cad 'dor ba gang yin pa de ni gtong ba'i mchog yin te/ klu'i bdag po 'di ni byang chub sems dpa' shes
146b₄ rab kyi gnas la gnas pa'i sbyin pa yongs su gtong ba'o/ /de la byang chub sems dpa' shes rab kyi gnas la gnas pa'i tshul khrims gang zhe na/ lus dang ngag dang sems dben par mthong ba gang yin pa
146b₅ de ni tshul khrims yongs su srung ba ste/ lus dang ngag dang sems la yang mi rten/ 'jig rten 'di la yang mi rten/ 'jig rten pha rol la yang mi rten/ nang la yang mi rten/ phyi rol la yang mi rten/ phung po
146b₆ la yang mi rten/ khams la yang mi rten/ skye mched la yang mi rten/ byang chub la yang mi rten/ mya ngan las 'das pa la yang mi rten/ chos thams cad la yang mi rten par tshul khrims srung bar byed la/ tshul
146b₇ khrims des kyang rlom sems su mi byed cing shin tu rlom sems su mi byed pa 'di ni/ byang chub sems dpa' shes rab kyi gnas la gnas pa'i tshul khrims shes bya'o/ /de la byang chub sems dpa' shes rab kyi
146b₈ gnas la gnas pa'i bzod pa gang zhe na/ bzod pa gang sgom pa na bdag dang sems can dang / srog dang gang zag tu mi dmigs shing / ngar 'dzin pa dang / nga yir 'dzin pa la yang mi gnas pa de ni nang dag pa dang / sems

_{iiif viewer powered by OpenSeadragon}

146a - 147a

Texts on this page