| e-texts navigator |
| བོད་ཡིག |
146a1 de nas klu'i rgyal po rgya mtshos bcom ldan 'das la mngon par dgab pa byas nas 'di skad ces gsol to/ /bcom ldan 'das dge ba'i rtsa ba 'dis na bdag sangs rgyas kyi sku'i 'od dri ma ma mchis
146a2 pa thob par gyur cig / 'od des kyang phyogs bcu'i sangs rgyas kyi zhing thams cad snang bar gyur cig /sems can gang la 'od des phog pa de dag kyang nyon mongs pa thams cad kyis gnod par ma gyur cig /
146a3 de bzhin gshegs pa'i smin mtshams kyi mdzod spu ci 'dra ba de lta bu yang bdag gis thob par gyur cig /byang chub kyi lam shes pa sgrib pa ma mchis pa yang thob par gyur cig /lam shes pa des kyang sems
146a4 can lam log pa la zhugs pa rnams yang dag pa'i lam la 'god par gyur cig / bcom ldan 'das gzhan yang ji ltar na byang chub sems dpa' mun pa mun nag dang bral te/ lam shes pa thob par
146a5 'gyur lags/ de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i rgyal po 'di la byang chub sems dpa' shes rab kyi dbang gis byung ba/
146a6 shes rab kyi sgron ma lag na thogs pa/ shes rab kyi shes pa can/ shes rab kyi sngon du 'gro ba/ shes rab kyi mtshon cha can/ shes rab kyi bya ba byed pa de ni shes rab kyi gnas la gnas nas sbyin pa sbyin
146a7 par byed/ tshul khrims srung bar byed/ bzod pa sgom par byed/ brtson 'grus rtsom par byed/ bsam gtan snyoms par 'jug par byed/ chos rnams lhag par mthong bar byed/ sems can rnams
146a8 yongs su smin par byed do/ /klu'i bdag po de la ji ltar na byang chub sems dpa' shes rab kyi gnas la gnas nas sbyin pa sbyin par byed ce na/ klu'i bdag po 'di la sbyin pa mnyam pa nyid kyis bdag mnyam pa nyid
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo