| e-texts navigator |
| བོད་ཡིག |
145b1 pa gang yin pa de dag gi ngan song thams cad ni bkag par gyur to/ /de dag gi lha dang mir skye ba'i sgo rnams ni phye bar gyur to/ /de dag ni yongs su mya ngan las 'das zin par rig par bya'o/ /zhes brjod do/ /de nas
145b2 bcom ldan 'das kyis lha'i bu de dag la legs so zhes bya ba byin te/ grogs po dag legs so legs so/ /khyed kyis tshig 'di legs par smras so/ /mdo sde'i tshig bstan pa 'di lta bu dag la dga' ba thob pa'i sems
145b3 can gang yin pa de dag ni sangs rgyas kyis byin gyis brlabs pa dang / theg pa chen pos 'dul ba yin no/ /sems can de dag ni sangs rgyas kyi ye shes kyis thugs su chud pa dang / phyir mi ldog pa'i phyag rgyas btab pa
145b4 yin no/ /chos kyi rnam grangs 'di la dga' ba thob pa gang yin pa'i sems can de dag ni de bzhin gshegs pa'i ye shes 'ba' shig la/ yang dag par gzhol ba ma gtogs pa de dag 'gro bar mi 'gyur na gang dag bsngags
145b5 pa thos nas 'dzin par byed pa dang / de bzhin nyid du sgrub pa rnams lta ci smos/ klu'i rgyal po rgya mtshos zhus pa las gleng bzhi'i le'u ste dang po'o// // bam po gnyis pa/ de nas klu'i rgyal po
145b6 rgya mtshos bshad pa 'di thos nas/ tshim zhing mgu la yi rangs te rab tu dga' zhing dga' ba dang yid bde ba skyes nas/ rgya mtsho'i gnas rnam par dag par byed pa'i rin po che'i bkod pa kun tu 'od zer 'byung ba'i 'od can zhes bya ba'i nor
145b7 bu rin po che chen po stong gsum gyi stong chen po'i 'jig rten gyi khams ri ba gang yin pa de bcom ldan 'das la chos kyi dgab par phul lo/ /nor bu rin po che de'i 'od kyis kyang nyi ma dang zla ba gnyis kyi 'od mog mog por byas so/ /'khor
145b8 thams cad kyang ngo mtshar tu gyur nas/ bcom ldan 'das la phyag 'tshal zhing tshig 'di skad du a la la sangs rgyas byung ba ni ngo mtshar che ste/ de byung bas ni 'di ltar ya mtshan du rung zhing rmad du byung ba'i chos dag kyang snang ngo zhes smras so/ /
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo