| e-texts navigator |
| བོད་ཡིག |
145a1 nam mkha' lding dang / mi 'am ci dang / lto 'phye chen po dang / mi dang mi ma yin pa khrag khrig phrag bcu gnyis ni bla na med pa yang dag par rdzogs pa'i byang chub tu sems skyes so/ /byang chub sems
145a2 dpa' bdun khri nyis stong gis mi skye ba'i chos rnams la bzod pa thob bo/ /dge slong khri bzhi stong ni chos rnams la chos kyi mig rdul med cing dri ma dang bral ba rnam par dag go/ /dge slong ma brgyad stong ni len
145a3 pa med par zag pa rnams las sems rnams par grol lo/ /lha'i bu lnga stong gis ni 'dod chags dang bral ba thob bo/ /stong gsum gyi stong chen po'i 'jig rten gyi khams 'di yang de'i tshe rnam pa drug tu g.yos
145a4 so/ /'jig rten yang snang ba chen pos khyab par gyur to/ /me tog gi char chen po yang bab bo/ /lha'i bu rnams kyis kyang bar snang las sil snyan brgya stong dag dkrol te ched du brjod pa 'di skad kyang ched du brjod de/
145a5 a la la de bzhin gshegs pas ni chos kyi 'khor lo gnyis pa bskor ba 'di chos kyi rnam grangs 'di las bskor to/ /yul bA ra Na sI drang srong smra ba ri dgas kyi nags su chos kyi 'khor lo bskor ba gang yin pa dang /
145a6 chos kyi rnam grangs 'di las bskor ba gang yin pa 'di ni mtshungs so/ /de ci'i phyir zhe na/ 'di ltar chos kyi rnam grangs 'di las sems can dpag tu med grangs med pa'i don mdzad pa'i phyir ro/ /gzhan yang sems
145a7 can gang chos kyi rnam grangs 'di thos pa de dag ni dge ba'i rtsa ba ngan ngon ma yin pa dang ldan pa yin na sems can gang dag / thos nas kyang 'chang bar byed pa lta ci smos te/ de dag gis ni mir skye ba rnyed pa legs par rnyed do/ /
145a8 de dag gis ni de bzhin gshegs pa legs par mthong ngo / /de dag gis ni chos kyi rnam grangs 'di legs par thos so/ /chos kyi tshul gyi rnam pa 'di thos nas bla na med pa yang dag par rdzogs pa'i byang chub tu sems bskyed
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo