| e-texts navigator |
| བོད་ཡིག |
144a1 dang ldan na byang chub sems dpa' phyir mi ldog pa'i chos la yang dag par gzhol ba yin te/ brgyad gang zhe na/ ji skad smras pa de bzhin du byed pa dang / bdag gi 'khrul pa la so sor rtog par
144a2 byed kyi gzhan gyi 'khrul pa la mi rtog pa dang / srog gi phyir yang gzhan dag la brnyas par mi byed pa dang / rnyed pa dang bkur sti thob pas kyang mtho bar mi 'dzin la ma thob pas kyang dma' bar mi 'dzin pa dang /
144a3 sems can thams cad la yon gnas kyi sems bskyed de sbyin pa sbyin pa dang / bgo bsha'i ngang tshul can yin te/ chos la slob dpon dpe mkhyud mi byed pa dang / gzhan gyi bde bas dga' ba yin te phrag dog
144a4 dang ser sna dang bral ba dang / sdug pa dang mi sdug pa thams cad yongs su gtong ba la 'gyod pa med pa ste/ klu'i bdag po chos brgyad po de dag dang ldan na byang chub sems dpa' phyir mi ldog pa'i chos la yang
144a5 dag par gzhol ba yin no/ /klu'i bdag po chos lnga dang ldan na byang chub sems dpa' bla na med pa yang dag par rdzogs pa'i byang chub las phyir mi ldog pa yin te/ lnga gang zhe na/ pha rol tu phyin pa thams cad
144a6 yongs su rdzogs pa yin te thabs la mkhas pa dang / chos thams cad ji lta ba la mkhas pa yin te chos zab mo'i tshul la gnas pa dang / mngon par shes pa ma nyams pa yin te sems can thams cad kyi dbang
144a7 po'i rig pa'i cho ga shes pa dang / legs par khong du chud pa shes pa yin te chags pa med par spyod pa dang / zad mi shes pa mngon par sgrub pas kyang rten cing 'brel par 'byung ba la spyod par byed la zag pa thams cad
144a8 kyang zad par byed pa ste/ klu'i bdag po chos lnga po de dag dang ldan na byang chub sems dpa' bla na med pa yang dag par rdzogs pa'i byang chub las phyir mi ldog pa yin no/ /klu'i bdag po chos gsum dang ldan na byang chub
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo