rKTs

e-texts navigator

Volume

Page

143a₁ ldan na byang chub sems dpa' sems can gyi spyod pa dang / bsam pa dang cho ga shes pa yin no/ /klu'i bdag po chos lnga dang ldan na byang chub sems dpa' sems can rnams yongs su smin par byed pa
143a₂ yin te/ lnga gang zhe na/ bdag gi bde ba la mi lta bas yid yongs su mi skyo ba dang / brtson pa brtan pas sems can la bde ba sbyin pa dang / snying rje chen po dang / sems can rnams kyi spyod pa ji lta ba de lta bu'i
143a₃ spyod pa la rjes su 'jug pa dang / gong du yang yon tan khyad par can la yang 'god par byed pa ste/ klu'i bdag po chos lnga po de dag dang ldan na byang chub sems dpa' sems can yongs su smin par byed pa yin no/
143a₄ klu'i bdag po chos drug dang ldan na byang chub sems dpa' 'dzin pa dang / klog pa dang / brda sprod pa la mkhas pa yin te/ drug gang zhe na/ gzungs thob pa dang / dran pa dang shes bzhin gyis sgrub pa dang / yang
143a₅ dag pa la tshul bzhin du 'jug pa dang / sems kyi rjes su 'jug pa shes pa dang / thogs pa med pa'i spobs pa thob pa dang / dgongs pa'i tshig ston pa'i shes pa la mkhas pa ste/ klu'i bdag po chos
143a₆ drug po de dag dang ldan na byang chub sems dpa' 'dzin pa dang / klog pa dang / brda sprod pa la mkhas pa yin no/ /klu'i bdag po chos brgyad dang ldan na byang chub sems dpa' bdud phyir rgol ba bcom pa
143a₇ yin te/ brgyad gang zhe na/ sgyu ma'i chos nyid phung po lnga yongs su shes pa dang yang ldan la 'jig tshogs la lta ba'i nyon mongs pa dang bral te/ stong pa nyid la spyod yul ba yang yin pa dang / 'du byed thams
143a₈ cad kyi skye ba med par yang rab tu shes la sems can yongs su smin par bya ba'i phyir bsams bzhin du skye bar yang byed pa dang / brtson 'grus brtan pas byang chub kyi bsam pa yang yongs su mi gtong la khams

_{iiif viewer powered by OpenSeadragon}

142b - 143b

Texts on this page