rKTs

e-texts navigator

Volume

Page

141a₁ drug po de dag go/ /klu'i bdag po gzhan yang mar me byin pas ni lha'i mig rnam par dag par 'gyur ro/ /sil snyan dang / pheg rdob pa dang / glu'i dbyangs thams cad byin pas ni lha'i rna ba rnam par dag par 'gyur ro/ /
141a₂ kun nas nyon mongs pa med par byin pas ni gzhan gyi sems shes pa rnam par dag par 'gyur ro/ /dge ba'i chos dran par byed cing bskul bas ni sngon gyi gnas rjes su dran pa shes pa rnam par dag par 'gyur ro/ /
141a₃ sgrib pa dang / 'gyod pa bsal bas ni rdzu 'phrul gyi bya ba shes pa rnam par dag par 'gyur ro/ /chos byin pas ni zag pa zad pa shes pa rnam par dag par 'gyur ro/ /klu'i bdag po gzhan yang de bzhin gshegs pa la
141a₄ lta bas ni lha'i mig rnam par dag par 'gyur ro/ /dam pa'i chos mnyan pas ni lha'i rna ba rnam par dag par 'gyur ro/ /sems kyis nges par brtags pas ni gzhan gyi sems shes pa rnam par dag par 'gyur ro/ /
141a₅ dge 'dun rjes su dran pas ni sngon gyi gnas rjes su dran pa shes pa rnam par dag par 'gyur ro/ /'dun pa drag pos ni rdzu 'phrul gyi bya ba shes pa rnam par dag par 'gyur ro/ /chos sgrubs pas ni zag pa zad pa
141a₆ shes pa rnam par dag par 'gyur ro/ /de la mngon par shes pas rnam par rtse ba gang zhe na/ klu'i bdag po 'di la nyan thos dang / rang sangs rgyas rnams kyi lha'i mig gang yin pa dang / phyi rol gyi drang srong mngon
141a₇ par shes pa lnga dang ldan pa rnams kyi lha'i mig gang yin pa dang / lha dang klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa
141a₈ rnams kyi lha'i mig gang yin pa de bas ni byang chub sems dpa'i lha'i mig de ches 'das pa dang / ches gsal ba dang / ches khyad par du 'phags pa dang / ches mchog tu gyur pa dang / ches rnam par dag pa ste/

_{iiif viewer powered by OpenSeadragon}

140b - 141b

Texts on this page