rKTs

e-texts navigator

Volume

Page

140b₁ yin te/ ma rig pa kun 'byung ba nas rga shi kun 'byung ba'i bar la 'jug pa dang / ma rig pa 'gag pa nas rga shi 'gag pa'i bar la 'jug pa dang / chad par lta bar yang mi ltung ba dang / rtag par lta bar yang mi gnas
140b₂ pa ste/ klu'i bdag po chos bzhi po de dag dang ldan na byang chub sems dpa' rnams rten cing 'brel par 'byung ba la 'jug pa la mkhas pa yin no/ /klu'i bdag po chos bzhi dang ldan na byang chub sems dpa' rnams lta bar gyur
140b₃ pa thams cad du lta bar mi 'gyur te/ bzhi gang zhe na stong pa nyid shes pas bdag dang sems can du lta bar mi 'gyur ba dang / mtshan ma med pa shes pas srog dang gang zag tu lta bar mi 'gyur ba dang / smon pa med
140b₄ pa shes pas 'byung ba dang 'jig par lta bar mi 'gyur ba dang / rten cing 'brel par 'byung ba shes pas chad pa dang rtag par lta bar mi 'gyur ba ste/ chos bzhi po 'di dag dang ldan na byang chub sems dpa' rnams lta bar gyur
140b₅ pa thams cad du lta bar mi 'gyur ro/ /klu'i bdag po chos drug dang ldan na byang chub sems dpa' rnams mngon par shes pa'i shes pas rnam par rtse bar 'gyur te/ drug gang zhe na/ sems can thams cad
140b₆ la khong khro ba med pa'i lta bas de'i lha'i mig rnam par dag par 'gyur ba dang / ngan du smras pa'i tshig dang du len pas lha'i rna ba rnam par dag par 'gyur ba dang / sems can kun nas nyon mongs pa med pas gzhan
140b₇ gyi sems shes pa rnam par dag par 'gyur ba dang / sngon byas pa'i dge ba'i rtsa ba sems can thams cad la gtong bas sngon gyi gnas rjes su dran pa shes pa rnam par dag par 'gyur ba dang / mthun par byed pa dang /
140b₈ bka' blo bde ba dang / ji skad smras pa bzhin byed pas rdzu 'phrul bya ba shes pa rnam par dag par 'gyur ba dang / chos rnams la slob dpon gyi dpe mkhyud med pas zag pa zad pa shes pa rnam par dag par 'gyur ba ste/

_{iiif viewer powered by OpenSeadragon}

140a - 141a

Texts on this page