rKTs

e-texts navigator

Volume

Page

139b₁ thos pa dang / sems nges par sems pa la dga' ba dang / byang chub sems dpa'i bsam pa la kun tu rmongs pa mang ba dang / dran pa nye bar gzhag pas gnas pa dang / ting nge 'dzin dang / shes rab sgom pa'i
139b₂ sbyor ba la brtson pa dang / brtsams pa thams cad sgrub pa snying por byed pa ste/ klu'i bdag po chos brgyad po de dag dang ldan na byang chub sems dpa'i rab tu 'byung ba'i yon tan yongs su rdzogs par 'gyur ro/ /
139b₃ klu'i bdag po chos bcu dang ldan na byang chub sems dpa' rnams chos zab mo'i tshul la gnas pa yin te/ bcu gang zhe na/ bdag gi ngo bo nyid kyis chos thams cad kyi ngo bo nyid kyi rjes su 'gro ba dang / bdag dag
139b₄ pas chos thams cad dag pa'i rjes su 'jug pa dang / bdag med pas chos thams cad bdag med pa la mos pa dang / bdag stong pas chos thams cad stong par som nyi med pa dang / bdag dben pas chos thams
139b₅ cad dben pa la 'jug pa dang / bdag zhi bas chos thams cad zhi bar so sor rtog pa dang / bdag ji lta ba bzhin pas chos thams cad ji lta ba bzhin du khong du chud pa dang / bdag zab pas chos thams cad zab par
139b₆ nges par sems pa dang / bdag bems po yin pas chos thams cad bems po yin par nges par rtog pa dang / bdag gzung du med pas chos thams cad gzung du med par rab tu shes pa ste/ bcu po de dag go/ /klu'i
139b₇ bdag po gzhan yang chos bcu dang ldan na byang chub sems dpa' rnams chos zab mo'i tshul la gnas pa yin te/ bcu gang zhe na/ rnam par bsgrubs pas gnas pa'i mtshan nyid kyi phyir chos thams cad sgyu ma lta bur rab tu shes
139b₈ pa dang / phyin ci log las byung bar mthong bas chos thams cad rmi lam lta bur rab tu shes pa dang / phyin ci log tu 'du shes pas chos thams cad smig rgyu lta bur rab tu shes pa dang / rgyu'i bya ba dang / rkyen la dmigs te

_{iiif viewer powered by OpenSeadragon}

139a - 140a

Texts on this page