| e-texts navigator |
| བོད་ཡིག |
135b1 ste/ klu'i bdag po chos bzhi po de dag dang ldan na byang chub sems dpa' rnams kyi mi khom pa thams cad spong bar 'gyur ro/ /klu'i bdag po chos bzhi dang ldan na byang chub sems dpa' rnams lha dang mi'i skye bar 'gro bar
135b2 'gyur te/ bzhi gang zhe na/ 'di lta ste/ byang chub kyi sems mi gtong zhing gzhan dag la yang sgrogs pa dang / tshul khrims yang dag par blangs pa mi gtong zhing nyams par mi byed pa dang / smon lam
135b3 la bsam pa rnam par dag pa dang / sems can yongs su smin par bya ba'i phyir de dag la snying rje chen po skyed pa ste/ klu'i bdag po chos bzhi po de dag dang ldan na byang chub sems dpa' rnams lha dang mi'i skye bar 'gro bar
135b4 'gyur ro/ /klu'i bdag po chos brgyad dang ldan na byang chub sems dpa' rnams sangs rgyas mthong ba dang 'bral bar mi 'gyur te/ brgyad gang zhe na 'di lta ste/ sangs rgyas rjes su dran pa yid la byed pa dang /
135b5 de bzhin gshegs pa la bsnyen bkur dang / mchod pa byed pa dang / de bzhin gshegs pa'i bsngags pa rgyun tu brjod pa dang / de bzhin gshegs pa'i sku gzugs byed du 'jug pa dang / de bzhin gshegs pa lta ba la sems
135b6 can rnams yang dag par 'dzud pa dang / sangs rgyas kyi zhing gang na de bzhin gshegs pa bzhugs pa thos pa der skye bar smon lam 'debs pa dang / rgyud zhum pa med cing rgya chen po la mos pa dang / sangs rgyas kyi ye
135b7 shes 'dod pa ste/ klu'i bdag po chos brgyad po de dag dang ldan na byang chub sems dpa' rnams sangs rgyas mthong ba dang 'bral bar mi 'gyur ro/ /klu'i bdag po chos bzhi dang ldan na byang chub sems dpa' rnams
135b8 dge ba'i bshes gnyen rnyed par 'gyur te/ bzhi gang zhe na/ 'di lta ste/ dge ba'i bshes gnyen la sgyu med pa dang g.yo med par bsnyen bkur byed pa dang / chos la gces pa dang gus pa dang ri mo byed pa dang / bka' blo bde zhing
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo