| e-texts navigator |
| བོད་ཡིག |
135a1 spyad pa spyod pa lags/ bcom ldan 'das ji ltar na byang chub sems dpa' rnams phyir mi ldog pa'i chos la yang dag par gzhol ba dang / bzod pa thob pa dang / lung bstan pa thob pa lags/
135a2 de skad ces gsol pa dang / bcom ldan 'das kyis klu'i rgyal po rgya mtsho la 'di skad ces bka' stsal to/ /klu'i bdag po legs so legs so/ /khyod de bzhin gshegs pa la don 'di 'dri bar sems pa ni
135a3 klu'i bdag po legs so/ /klu'i bdag po de'i phyir legs par rab tu nyon la yid la zung shig dang ngas khyod la bshad do/ /bcom ldan 'das legs so zhes gsol te/ klu'i rgyal po rgya mtsho bcom ldan 'das
135a4 kyi ltar nyan pa dang / bcom ldan 'das kyis de la 'di skad ces bka' stsal to/ /klu'i bdag po chos bzhi dang ldan na/ byang chub sems dpa' rnams ngan 'gro dang ngan song thams cad yang dag par chad par 'gyur te/
135a5 bzhi gang zhe na 'di lta ste/ sems can thams cad la khong khro ba'i sems med pa dang / dge ba bcu'i las kyi lam yang dag par blangs nas thams cad srung ba dang / gzhan gyi nyes pa mi gleng zhing brnyas par mi byed pa/
135a6 bdag gis 'khrul pa rtog par byed kyi gzhan gyi 'khrul pa la mi rtog pa ste/ klu'i bdag po chos bzhi po de dag dang ldan na/ byang chub sems dpa' rnams ngan 'gro dang / ngan song thams cad yang dag par chad par 'gyur ro/ /
135a7 klu'i bdag po chos bzhi dang ldan na byang chub sems dpa' rnams mi khom pa thams cad spong bar 'gyur te/ bzhi gang zhe na/ 'di lta ste/ dkon mchog gsum po 'di lta ste/ sangs rgyas dkon mchog dang / chos dkon
135a8 mchog dang / dge 'dun dkon mchog gi bsngags pa rgyun tu brjod pa dang / chos 'dod pa rnams g.yengs par mi byed pa dang / gzhan dag gi 'gyod pa mi skyed pa dang / sems can 'gyod cing 'dug pa rnams kyi 'gyod pa sel ba
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo