rKTs

e-texts navigator

Volume

Page

134b₁ ba thob pa dang / dge ba'i bshes gnyen dang phrad pa dang / 'tsham pa'i yul du gnas pa 'thob pa lags/ bcom ldan 'das ji ltar na byang chub sems dpa' rnams dad pa dang / dga' ba'i shas che ba dang / las kyi rnam par
134b₂ smin pa la rton pa dang / mi dge ba'i chos thams cad spangs nas dge ba'i chos thams cad kyis 'bogs pa lags/ bcom ldan 'das ji ltar na byang chub sems dpa' rnams chos don tu gnyer ba dang / chos 'tshal ba dang / chos
134b₃ kyi kun dga' la dga' bas dga' ba dang / thos pa tshal bas cho ga ma 'tshal ba dang / thos pa sgrubs pas mngon par 'phags pa lags/ bcom ldan 'das ji ltar na byang chub sems dpa' rnams rab tu 'byung ba la mos pa dang /
134b₄ nags dang / nags 'dab na rgyu ba dang / 'phags pa'i rigs dang / sbyangs pa'i yon tan dang / yo byad bsnyungs pa la mngon par dga' ba dang / rab tu byung ba'i yon tan rnams yongs su rdzogs par bgyid pa lags/
134b₅ bcom ldan 'das ji ltar na byang chub sems dpa' rnams chos zab mo'i tshul la gnas pa dang / chad pa dang rtag par lta ba yongs su spangs pa dang / rgyu dang rkyen kyi chos rnams la zhugs pa dang / lta ba'i rnam pa thams cad dang
134b₆ bral ba lags/ bcom ldan 'das ji ltar na byang chub sems dpa' rnams mngon par shes pa'i ye shes kyis rnam par rtse ba dang / sgrib pa ma mchis pa'i ye shes mthong ba lags/ bcom ldan 'das ji ltar na
134b₇ byang chub sems dpa' rnams sems can kyi spyod pa dang / bsam pa dang / cho ga 'tshal ba lags/ bcom ldan 'das ji ltar na byang chub sems dpa' rnams yongs su smin par bgyi ba dang / gzung ba dang / bklag pa
134b₈ dang / brda sprod pa la mkhas pa lags/ bcom ldan 'das ji ltar na byang chub sems dpa' rnams bdud phyir rgol ba bcom pa dang / skrag pa dang / 'jigs pa thams cad dang bral nas byang chub sems dpa'i

_{iiif viewer powered by OpenSeadragon}

134a - 135a

Texts on this page