| e-texts navigator |
| བོད་ཡིག |
134a1 'dra ba dang / /dbu ba glog sprin chu yi chu bur 'dra zhing sgyu ma 'dra rgyu lta bur thugs su chud/ /gang la rgyu med rtog pa mi 'byung khyod kyis chos de dag ni rtag tu bdag med de/ /de ltar 'gro ba'i 'dod pa lnga bskyed
134a2 mdzad pas mnga' bdag khyod ni thar pa lags par 'os/ /gang gi don du bskal pa bye ba khrag khrig mang por dka' ba rnams ni bsten pa dang / /gang gi don du rtag tu 'gro la phan mdzad 'dren pa rnams la mchod pa
134a3 mdzad pa dang / /gang gi don du sbyin dang yang dag sdom dang dul dang bzod pa rtag tu bsten pa yi/ /rnam 'dren khyod kyi smon lam chen po shin tu rmad du byung ba de ni rdzogs par gyur/ /de nas klu'i rgyal po rgya mtshos
134a4 bcom ldan 'das la tshul dang 'thun pa'i tshigs su bcad pa 'di dag gis mngon par bstod nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das
134a5 kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs 'ga' zhig zhu bar 'tshal lo/ /de skad ces gsol pa dang / bcom ldan 'das
134a6 kyis klu'i rgyal po rgya mtsho la 'di skad ces bka' stsal to/ /klu'i bdag po khyod ci dang ci 'dod pa de bzhin gshegs pa la dris shig dang / ngas dri ba dri pa de dang de lung bstan pas khyod kyi sems rangs par bya'o/ /
134a7 de nas bcom ldan 'das kyis dri ba lung bstan pa'i skabs phye nas/ bcom ldan 'das la klu'i rgyal po rgya mtshos 'di skad ces gsol to/ /bcom ldan 'das ji ltar na byang chub sems dpa' rnams ngan 'gro dang ngan
134a8 song thams cad yang dag par chad pa dang / mi khom pa brgyad las 'das pa dang / lha dang mi'i skye bar 'gro ba lags/ bcom ldan 'das ji ltar na byang chub sems dpa' rnams rtag tu rgyun mi 'chad par sangs rgyas mthong
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo