| e-texts navigator |
| བོད་ཡིག |
133b1 sems can rnams la byams pas 'phags/ /bsod snyoms zhing ste 'jig rten rtsa lag brtan po khyod la bdag ni mgo bos phyag 'tshal lo/ /khyod kyi zhal gyi smin mtshams mdzod spu 'bar ba me tog kun da
133b2 zla ba dung mdog 'dra/ /'di na tshangs pa'i gnas na 'khod pa'i lha rnams kyis kyang khyod kyi spyi gtsug mthong mi 'gyur/ /zla ba lta bu'i zhal nas byung ba'i rmad byung 'od kyis 'gro ba ma lus snang bar mdzad/ /
133b3 de yis reg par gyur pa'i dbang gis mtshams med sems can rnams kyang bde ba nyid du gyur/ /khyod kyi gsung ni shin tu yid 'ong tshig ste zla ba bzhin du yid kyang tshim par bgyid/ /lha dang mi yi sgra skad zil gyis
133b4 gnon cing gcig tu nges par dag la gtsang ba ste/ /'dod chags zhe sdang mun pa rdul rnams rab tu zhi bar bgyid cing shes rab gsal bar bgyid/ /dga' dang mgu bgyid bde ba shin tu skyed par bgyid cing thar pa yang
133b5 dag ston pa lags/ /khyod kyi ye shes dus gsum gtogs pa thogs pa ma mchis gar yang chags pa ma mchis te/ /khyod kyis sems can rnams kyi spyod pa chung dang 'bring dang dam pa ma lus thugs su chud/ /
133b6 gang dag gi ni dbang po bsam pa dag dang 'gro dang thar pa tha dad ji 'dra ba/ /thams cad khyod kyis skad cig tsam gyis thugs su chud par de slad khyod la phyag 'tshal lo/ /rdzogs pa'i byang chub shing rgyal drung du
133b7 glags lta'i phyir brtson bdud rnams bye ba brgya phrag snyed/ /khyod kyi thad du lhags par gyur kyang gnas las ma g.yos thugs brtser ldan pa'i blo mnga' ba/ /mnga' bdag khyod kyis bden dang brtul zhugs dpal
133b8 dang yon tan rnams dang byams pas pham par mdzad/ /de slad mi rnams su zhig deng 'dir khyod la mchod pa'i slad du khyod la ngoms par 'dzin/ /mnga' bdag khyod kyis chos rnams byed pa med dang ya ma rla dang zla ba
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo