| e-texts navigator |
| བོད་ཡིག |
133a1 kyis tshig de skad ces bka' stsal nas ring po ma lon par/ klu'i rgyal po rgya mtsho klu bye ba phrag brgyad bcu rtsa bzhi dang / klu'i bu mo bye ba phrag bdun bcu rtsa gnyis kyis bskor cing mdun du bdar te/
133a2 me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan thams cad dang / sil snyan dang / pheg rdob pa dang / glu
133a3 dbyangs brgya stong dag len cing bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ ji ltar thogs pa'i me tog dang / bdug pa dang / spos dang /
133a4 me tog phreng dang / byug pa la sogs pa dang / gdugs dang / rgyal mtshan dang / ba dan la sogs pa dang / sil snyan dang / pheg rdob pa dang / glu dbyangs rnams kyis bcom ldan 'das la mchod pa byas
133a5 nas/ btsun mo'i 'khor dang bcas pa dang / gnyen 'dab kyi 'khor dang bcas pas de'i tshe/ bcom ldan 'das la tshul dang mthun pa'i tshigs su bcad pa 'di dag gis mngon par bstod do/ /
133a6 'jig rten dag na 'jig rten phan par bzhed pa 'jig rten gyis mchod 'jig rten mig sbyin pa/ /'jig rten du skyes 'jig rten dri ma rnams kyis ma gos pad ma chus mi chags pa bzhin/ /'jig rten
133a7 snang ba rnam par gzigs pa spyan gsum mnga' ba 'jig rten bde ba sbyin mdzad pa/ /'jig rten nyi ma rkyen la mkhas pa 'jig rten gtso bo khyod la de ring bdag phyag 'tshal/ /dul zhing dul bas yongs bskor
133a8 stobs bcu mnga' ba sbyin pa rnams dang dul ba rnams kyis 'phags/ /'dren pa nyon mongs rdul dang mun pa dang ni dri ma tha ba bsregs shing myu gu bsregs/ /snying rjes nor gyi gtso bo bdun po sbyin par mdzad cing
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo