| e-texts navigator |
| བོད་ཡིག |
132b1 'od dang ldan zhing rin po che thams cad kyis legs par brgyan pa zhig byung ste/ rin po che'i gdugs des thams cad dang ldan pa'i gling bzhi pa chen po'i 'jig rten 'di kun tu khebs par gyur to/ /rin
132b2 po che'i gdugs de las kyang mu tig kha dog du ma'i rgyan phreng 'bum phrag du ma 'di lta ste/ mu tig dkar po dang / mu tig dmar po dang / mu tig dri ma med pa dang / gser lta bu'i mu tig dang / zla ba lta
132b3 bu'i mu tig dang / pad ma lta bu'i mu tig dang / nam mkha' lta bu'i mdog can gyi mu tig rnams 'phyang ngo / /mu tig gi rgyan phreng de dag las kyang 'od zer dag byung ngo / /'od zer de dag las kyang
132b4 me tog kha dog sna tshogs pa/ kha dog 'bum phrag du ma dri zhim pa/ blta na sdug pa yid du 'ong ba dag gi char mngon par bab bo/ /me tog de dag gis kyang 'khor gyi khyams thams cad pus
132b5 mo nub pa tsam du gang bar gyur to/ bar snang la yang 'brug sgra chen po sgrag par gyur to/ /a ga ru dang / tsan dan gyi phye ma dag dang / tsan dan dus kyi rjes su 'brang ba'i phye ma dag gi char yang bab bo/ /de nas sangs rgyas kyi mthus tshe dang ldan pa
132b6 mod gal gyi bu chen po stan las langs nas bla gos phrag pa gcig tu gzar te pus mo g.yas pa'i lha nga sa la gtsugs nas/ bcom ldan 'das ga la ba der logs su thal mo sbyar ba btud de/
132b7 bcom ldan 'das la 'di skad ces gsol to/ /bcom ldan 'das sngon ma mthong ma thos pa'i cho 'phrul 'di lta bu gda' ba 'di dag su'i snga ltas lags/ de skad ces gsol pa dang / bcom ldan 'das
132b8 kyis tshe dang ldan pa maud gal gyi bu chen po la 'di skad ces bka' stsal to/ /maud gal gyi bu 'di ni klu'i rgyal po rgya mtsho de bzhin gshegs pa la bltar 'ong ba de'i snga ltas yin no/ /de nas bcom ldan 'das
iiif viewer powered by OpenSeadragon
Texts on this page
J97 - 'phags pa klu'i rgyal po rgya mtshos zhus pa zhes bya ba theg pa chen po'i mdo