| e-texts navigator |
| བོད་ཡིག |
155b1 te gzungs su bzung na bsod nams ji tsam zhig thob/ sangs rgyas kyi byams pa'i thugs rjes bdag la bkrol bshad par smon to/ /sangs rgyas kyis gsungs pa/ pho dge ba chos kyi yi ge 'di'i ming ni bsam gyis mi
155b2 khyab ste/ snga ma 'das pa'i sangs rgyas rnams kyis 'or bar dgongs pas yang dag par gshegs pa'i ye shes kyi mtshor chud par gsungs so/ /sems can la la zhig gis chos kyi yi ge 'di gzungs su 'dzin pa gcig yod
155b3 na chos kyi yi ge thams cad la ci yang re zhing btsal ba med/ chos kyi yi ge 'dis ni chos kun gyi mdo btus te/ chos so cog gi gces pa bsdus so/ /chos kyi yi ge rnams kyi phyi mo'i bsams pa ste/ chos kyi
155b4 yi ge 'di'i ming ni theg pa chen po bsdus so/ /yang ming rdo rje'i ting nge 'dzin ces kyang bya'o/ /yang ming dpag tu med pa'i gzhung gi phyi mo zhes kyang bya ste/ mi la la zhig gis chos kyi yi ge 'di mnos te gzungs su
155b5 'dzin pa zhig yod na de brgya stong gis sangs rgyas gzungs su 'dzin pa ste/ de lta bu'i legs pa'i don ni dper nam mkha' dang mtshungs mu mtha' med de/ bsam gyis mi khyab pa'i chos kyi yi ge 'di gtams bcol
155b6 to/ /dga' bos gsol pa/ ji lta bu'i sems spyod pa dang / ji lta bu'i mis chos kyi yi ge 'di mnos shing gzungs su 'dzin/ sangs rgyas kyis gsungs pa/ pho dge ba chos kyi yi ge 'di mnos shing gzungs su
155b7 'dzin pa'i mi de ni sems thob pa dang / stor ba med la rtag tu tshangs par spyod pa spyad de/ 'dran tor brjod pa la yang rtag par mi g.yo ba'i sems la dad de/ grong khyim du zhugs pa yang sems rtag par thub pa la
155b8 'dug go/ /khyim du 'dug na yang yod pa gsum la ma chags pa de lta bu'i da ltar gyi tshe'i dus la dpal yon rnam pa lnga yod de/ gcig ni phal gyis btsun zhing gus pa'o/ /gnyis ni lus ye 'drog tu mi mchi ba'o/ /
iiif viewer powered by OpenSeadragon
Texts on this page
J80 - rdo rje'i ting nge 'dzin gyi chos kyi rnam grangs yi ge