| e-texts navigator |
| བོད་ཡིག |
155a1 tshigs su bcad pa bshad do/ /bdag gis phal gyi sems dog rig /de lta bas na brtul bar dris/ /yang dag gshegs pa dge byams che/ /bye brag phye ste lus pa med/ /rnam gnyis kyis ni phal
155a2 mang po/ /kun gyis gnang zhing mngon par thob/ /bdag gis da ni zin nas kyis/ /sems can thams cad khyab par bstan/ /yang dag gshegs pas thugs rjes su/ /phyi mo'i smon lam yong ma btab/ /
155a3 de bas bu gcig sa gnas su/ /'jig rten mya ngan khams su gnas/ /de nas yang dag par gshegs pas phal mang po la bka' stsal pa/ byang chub sems dpa' 'di bsam gyis mi khyab ste/ /khor mor
155a4 byams pa chen po spyad de sems can sdug bsngal las byung ngo / /sems can la la zhig yi ge 'di'i chos gzungs su 'dzin cing byang chub sems dpa' de'i ming dang gzugs su 'dzin na las ngan par mi ltung ste/
155a5 bsgribs pa'i bgegs thams cad kun bsal te med do/ /sems can la la zhig go bdun gzhan bsam pa med par mi g.yo ba'i 'od byang chub thob par byas so/ /de'i tshe byang chub sems dpas rtag par lus
155a6 sprul te/ chos bshad nas mi de'i mgon skyabs byas te/ mthar skad cig kyang mi gtong zhing mi de la sogs pa smyur te bla na med pa g.yung drung rdzogs pa'i byang chub thob par byas so/ /khyed la sogs pa byang chub sems
155a7 dpa' sems can la ston cing slob na ji lta bur theg pa chen po gzhung mi 'gyur ba bye brag phyed pa kun spyod sbyor du chug cig / de nas dga' bos 'dug pa stan las langs te mdun du sangs rgyas la gsol pa/ yang dag par
155a8 gshegs pas theg pa chen po'i bsod nams kyi phung po yang dag par mdud pa gcod pa skye ba med pa'i tshor ba bsod pa bshad pa/ bsam gyis mi khyab pa de lta bu'i chos kyi ming ci zhes bgyi/ chos kyi gzhung de mnos
iiif viewer powered by OpenSeadragon
Texts on this page
J80 - rdo rje'i ting nge 'dzin gyi chos kyi rnam grangs yi ge