rKTs

e-texts navigator

Volume

Page

154a₁ gdod khams gsum las 'das so/ /byang chub sems dpa' sa'i snying pos gsol pa/ yang dag par gshegs pas bshad pa la skye ba yang med/ zhi ba yang med na rtag par med pa yin te/ skye shi bkag
154a₂ na stong zhi ba bkag pa lags so/ /rtag pas ni mi chad de mi chad pa'i chos de khams gsum mi g.yo ba'i chos rnams dang bral te/ bya ba yod pa'i chos la ni me'i ngo las yol ba dang mtshungs so/ /gang la sogs
154a₃ pa'i chos la rten te bdag gis bdag spyod pa la sgo mo de gcig pur 'jug / sangs rgyas kyis gsungs pa/ byang chub sems dpas don chen po gsum la rang gi sems spyod de/ bden pa chen po gsum gyi spyod
154a₄ pa der 'jug go/ /byang chub sems dpa' sa'i snying pos gsol pa/ ji lta bur don gsum la bdag gi sems spyod/ ji lta bur na bden pa gsum gyi spyod pa gcig tu 'jug /sangs rgyas kyis gsungs
154a₅ pa/ don chen po gsum zhes bgyi ba ni gcig ni rgyu'o/ /gnyis ni 'bras bu'o/ /gsum ni rnam par shes pa'o/ /de lta bu'i don gsum phyi mo nas stong pa med pa ste/ nga dang yang dag pa'i nga med na ji lta
154a₆ bur de la sred cing chags pa skye/ don gsum la rtags na bcings pa khyer te/ khyer bas sdug bsngal gyi mtshor 'bab bo/ /de bas na rtag par bdag spyod/ bden pa gsum zhes bya ba ni gcig byang chub kyi
154a₇ lam ste/ mnyam snyoms pa'i bden pa yin gyi mi snyoms pa'i bden pa ma yin no/ /gnyis ni tshor ba chen po'i drang po'i ye shes thob pa'i bden pa yin no/ /gsum ni shes rab dang 'thun pa dang tha dad pa spyad
154a₈ pa med pa'i zhugs pa'i bden pa ste/ go bdun spyad pas zhugs pas bden pas ma yin no/ /bden pa 'di gsum spyad de/ sangs rgyas kyi lam spyad na de lta bu'i chos su chud de drang po'i tshor ba mi thob pa med do/ /

_{iiif viewer powered by OpenSeadragon}

153b - 154b

Texts on this page