| e-texts navigator |
| བོད་ཡིག |
152b1 mtshan ma ni phyi mo nas mya ngan las 'das te/ mya ngan las 'das pa dang stong pa'i mtshan ma yang de bzhin no/ /de lta bu la sogs pa'i chos med pa ni chos mi g.yo ba'i dang 'thun no/ /sangs rgyas kyis gsungs pa/ de lta
152b2 bu'i chos med pa chos de ni mi g.yo ba yin no/ /byang chub sems dpa' sa'i snying pos gsol pa/ bsam gyis mi khyab bo/ /de lta bu'i mi g.yo ba'i mtshan ma ni 'thun pa yang ma mchis/ mi mthun pa yang ma mchis te/
152b3 yid kyis blangs pa dang g.yo ba yin te/ yid kyis blangs pa dang las kyis blangs pa kun stong pa mi g.yo ba'o/ /stong pa mi g.yo ba'i sems kyis chos dang lhan cig pa dang / mi gcig pa blang du rung ba dang / stong pa zhi
152b4 ba'i rigs so/ /de nas btsun pas tshigs su bcad pas bshad do/ /stong pa mi g.yo chos rnams ni/ /chos dang mi g.yo mi stong ngo / /sems de mi g.yo ba yi tshe/ /des su sems ni thob pa med/ /byang chub
152b5 sems dpa' sa'i snying pos gsol pa/ chos de la bden pa ma mchis pas kha dog stong pa'i sems kyang zhi'o/ /chos de phyi mo nas zhi bas chos de zhi ba lags pa'i rigs so/ /de nas zhi ba yang ma mchis na ji
152b6 lta bur gcig ces bgyi/ de nas btsun pas tshigs su bcad pas bshad pa/ chos ni gnas mal med la 'dug /gzugs dang grangs ni stong zhing med/ /ming dang bshad pa chos rnam gnyis/ /de ni blang ba
152b7 nus ma yin/ /de nas byang chub sems dpa' sa'i snying pos gsol pa/ chos so cog gi mtshan ma ni 'gram gnyis la mi chags te/ dbus ma'i 'bab pa la yang mi chags so/ /sems kyi rnam par
152b8 shes pa yang de dang mtshungs na ji lta bur khams kyi rnams rnam par shes pa las skyes zhes bgyi/ rnam par shes pa skye ba yod du lags na rnam par shes pa de yang skye ba las byung ba ji lta bur rnam par shes pa skye ba
iiif viewer powered by OpenSeadragon
Texts on this page
J80 - rdo rje'i ting nge 'dzin gyi chos kyi rnam grangs yi ge