rKTs

e-texts navigator

Volume

Page

149b₁ yid bzhin du 'jug go/ /chos rnams kyi ro bro ba yang de dang mtshungs so/ /ya rabs tshangs par spyod pas gsol pa/ chos de lta bu lags na bdag gis chos gcig ro bro ba la gnas na/ chos so 'tshal gyi ro bro ba 'dus
149b₂ pa'i rigs so/ /sangs rgyas kyis gsungs pa/ de yin no/ /ji lta zhe na/ gcig gi yang dag pa'i gzhung gi ro ni mtsho chen po gcig dang mtshungs te/ thams cad mang po 'bab pa der mi 'jug pa med do/ /ya rabs
149b₃ chos so cog gi ro bro ba yang mang po 'bab pa de dang mtshungs so/ /ming grangs tha dad mod kyi chur mi tshugs pa med do/ /mtsho chen po la gnas na mang po 'bab pa 'dus te/ ro bro ba gcig la gnas pas ni ro bro ba kun 'dus
149b₄ so/ /ya rabs tshangs par spyod pas gsol pa/ chos la ro gcig pu ni ji lta bur theg pa gsum gyi lam ste/ de'i shes rab mtshungs shes bgyi/ sangs rgyas kyis gsungs pa/ ya rabs dper na chu bo gang ga dang /
149b₅ ha dang / ho he dang / mtsho dang mtshungs te che chung tha dad do/ / ming mkhan tha dad do/ /chu de gong gi nang na 'dug pa na ming kong gi chu zhes bya'o/ /'o yi nang na 'dug na 'o yi chu zhes bya'o/ /ha'i nang na 'dug na ha'i chu zhes bya'o/ /
149b₆ kun lhan cig mtsho'i nang na 'dug pa ming mtsho chu zhes bya'o/ /chos kyang de dang mtshungs de kun yang dag pa'i mi g.yo ba la 'dug ste/ ming sangs rgyas kyi lam 'ba' zhig go/ /yang ya rabs sangs rgyas kyi lam gcig pu
149b₇ la gnas na spyad pa gsum spyad pa ma yin no/ /ya rabs tshangs par spyod pas gsol pa/ ji lta bur na spyad pa gsum zhes bgyi/ sangs rgyas kyis gsungs pa/ gcig ni don bzhin du spyod pa blangs pa'o/ /
149b₈ gsum ni mi g.yo ba bzhin du blangs te spyod pa'o/ /ya rabs de lta bu spyod pa gsum gyis sgo mang po'i mdo bsdus te chos thams cad kyi sgo mor 'dir mi 'jug pa med do/ /spyod pa 'dir zhugs pa ni stong pa'i mtshan ma mi

_{iiif viewer powered by OpenSeadragon}

149a - 150a

Texts on this page