rKTs

e-texts navigator

Volume

Page

141a₁ pho dge ba gtsang dag pa'i shes pa yang de dang mtshungs te phyi mo nas 'byung ba'i mtshan ma med/ da gdod zhugs pa ma yin no/ /sngon bslab pa'i phyir gyi med pa ma yin no/ /da tshor ba'i yin gyis gdod
141a₂ zhugs pa yin no/ /chags med byang chub sems dpas gsol pa/ pha des bu bslab par rig nas ci bslabs nas lo lnga bcu lon gyi bar du phyogs bcur bgrod de/ dbul rgyang la shin tu nyon mongs gdod bsgo/
141a₃ sangs rgyas kyis gsungs pa/ lo lnga bcu lon zhes bya ba ni yud tsam zhig bsams pas sems g.yos pa'o/ /phyogs bcur bgrod pa ni ring por song ste khyab par chags so/ /chags med byang chub sems dpas
141a₄ gsol pa/ ji lta bur na yud tsam bsams pas sems g.yo zhes bgyi/ sangs rgyas kyis gsungs pa/ yud tsam bsams pas sems g.yos pas ni lnga phung cig char skyes so/ /lnga phung skyes pa'i nang
141a₅ na ngan pa lnga bcu tshang ngo / /chags med byang chub sems dpas gsol pa/ ring por song ste khyab par chags pa dang / phyogs bcur bgrod pa dang yud tsam bsams te/ sems skyes pas ngan pa lnga bcu tshang na ji
141a₆ lta bur sems can de dag yud tsam sems pa mi skye bar bgyi/ sangs rgyas kyis gsungs pa/ sems can de dag sems pa bden par 'dug par bya ste/ rdo rje sa la gnas pa dang sems mi g.yo ste/ ldang ba med
141a₇ pas sems rtag par bde zhing yangs pas yud tsam bsam pa med do/ /chags med byang chub sems dpas gsol pa/ bsam gyis mi khyab bo/ /tshor ba'i sems ma skyes na/ de'i sems bde yangs te phyi mo'i
141a₈ tshor ba'i bzod pa lags so/ /bzod pa la g.yo ba ma mchis pas rtag par mchis te ma mchis pa ma lags so/ /ma mchis pa yang mchis/ tshor ba ma mchis pa yang ma lags/ tshor bas tshor ba ma mchis par

_{iiif viewer powered by OpenSeadragon}

140b - 141b

Texts on this page