| e-texts navigator |
| བོད་ཡིག |
137a1 kyi ngo bo nyid kyang de dang mtshungs na ji lta bur skye ba med/ skye ba dang / mnags pa yod pa dang / mnags pa med pa bshad na la la zhig sems la thob pa yod/ gnas dang gtong ba yod ces bshad
137a2 na des ni bla na med pa'i g.yung drung rdzogs pa'i shes rab mi thob ste/ de ni khor bor mtshan mo sems kyi ngo bo nyid mngon par bye brag phyed la sems kyi ngo bo nyid de ltar yin par rig na/ ngo bo nyid kyang de dang mtshungs te skye ba spyod
137a3 pa med do/ /sems kyi rgyal po byang chub sems dpas gsol pa/ btsun pa sems phyi nas mi g.yo na spyod pa skye ba ma mchis so/ /spyod pa rnams mi skye na skye ba mi spyod pa mi skye'o/ /spyod pa med pa yang mi skye na gdod
137a4 skye ba med do/ /sangs rgyas kyis gsungs pa/ pho dge ba khyod kyis skye ba med pa spyad na/ skye ba med pa spyad par rig gam/ sems kyi rgyal po byang chub sems dpas gsol pa/ ma lags so/ /ji lta zhe na/ skye
137a5 ba spyod pa ma mchis na/ ngo bo nyid kyi mtshan ma stong zhing mi g.yo ste/ mthong ba yang ma mchis/ thos pa yang ma mchis/ stor ba yang ma mchis/ btang ba yang ma mchis na/ ji lta bur rig pa blang zhes bgyi/ rig
137a6 tu lags na de ni rtsod cing brjod pa'o/ /rtsod pa ma mchis/ brjod pa ma mchis na/ gdod skye ba spyod pa ma mchis so/ /sangs rgyas kyis gsungs pa/ khyod kyis bla na med pa'i g.yung drung rdzogs pa'i byang chub thob bam/
137a7 sems kyi rgyal po byang chub sems dpas gsol pa/ bdag gis bla na med pa'i g.yung drung rdzogs pa'i byang chub ma thob bo/ /ci'i phyir zhes bgyis na/ byang chub kyi ngo bo nyid kyi nang na thob pa yang ma mchis/ stor ba yang ma
137a8 mchis/ tshor ba yang ma mchis/ shes pa yang ma mchis/ rnam par brtags pa yang ma mchis te/ rnam par brtags pa ma mchis pa'i nang ni gtsang dag pa'i ngo bo nyid do/ /ngo bo nyid la ni bar chad kyang ma mchis/
iiif viewer powered by OpenSeadragon
Texts on this page
J80 - rdo rje'i ting nge 'dzin gyi chos kyi rnam grangs yi ge