rKTs

e-texts navigator

Volume

Page

134b₁ bden pa'i phyi mo nas mi skye na/ mi bden pa dpag tu med do/ /sems la sems med par rig na sems gtang du med do/ /bye brag med/ dbye ba med na 'phral gyi rnam par shes pa skye ba med pas skye ba gtang du
134b₂ med do/ /de ni gtang du med pa yin te med pa yang med do/ /de ci'i phyir zhe na/ gtang ba dang gtang ba med pa'i phyir ro/ /grol thar byang chub sems dpas sangs rgyas la gsol pa/ btsun pa gtang ba med pa'i
134b₃ btang ba de nyid kyang skye ba lags na ji ltar na skye ba ma mchis zhes bgyi/ sangs rgyas kyis gsungs pa/ byang chub sems dpas skye ba de btang na btang zin pa dang btang ba yang med de/ btang ba med pa la yang mi chags
134b₄ pa/ chags pa med pa yang mi chags na ji lta bur skye ba yin zhes bya/ grol thar byang chub sems dpas sangs rgyas la gsol pa/ btsun pa skye ba med pa'i sems la blang ba dang / btang ba ci mchis/ chos kyi mtshan
134b₅ ma gang lags/ sangs rgyas kyis gsungs pa/ skye ba med pa'i chos la blang ba yang med btang ba yang med de sems med pa la gnas te/ chos med pa la gnas so/ /grol thar byang chub sems dpas sangs rgyas la
134b₆ gsol pa/ btsun pa ji lta bur na sems ma mchis pa la gnas/ chos ma mchis pa la gnas shes bgyi/ sangs rgyas kyis gsungs pa/ sems ma skyes na sems med pa la gnas pa yin no/ /pho dge
134b₇ ba sems kyi chos ma skyes na gnas shing rten pa yang med do/ /spyod pa'o cog la ma chags na/ sems rtag par stong zhing mi g.yo ste/ tha dad pa'i sems med do/ /dpe nam mkha' dang mtshungs te/ g.yo ba dang /
134b₈ 'dug pa med/ sdang ba med/ bya ba med/ phan tshun med de stong pa'i sems kyi mig thob/ stong pa'i chos kyi lus thob pas lnga phung dang zhugs pa drug kun stong zhing mi g.yo ba'o/ /pho dge ba stong pa'i chos spyod pa ni

_{iiif viewer powered by OpenSeadragon}

134a - 135a

Texts on this page