| e-texts navigator |
| བོད་ཡིག |
132b1 pa las langs nas thal mo sbyar pus mo btsugs te sangs rgyas la gsol pa/ btsun pa sangs rgyas 'das te gshegs pa'i slad na/ drang po'i chos ni 'jig rten nas 'das gzugs kyi chos 'jig rten na spyod de/ bskal
132b2 pa tha ma'i tshe rnyog pa lnga'i sems can ngan pa'i las rnams mang pos khams gsum la 'khor lo bzhin du bskor te/ 'byung ba'i dus ma mchis pa'i tshe sangs rgyas byams pa'i thugs rjes sems can phyi ma'i slad du mi
132b3 'gyur ba yang dag pa'i bden pa'i chos kyi ro gcig pa bshad de sems can de dag la sogs pa 'thun par grol thar par bgyir smon to/ /sangs rgyas kyis gsungs pa/ skyes bu dge ba khyod nga la 'jig rten
132b4 nas 'byung ba'i rgyu 'di 'dra ba mkhas te/ sems can la bstan la sems can de dag 'jig rten las byung ba'i 'bras bu thob par bya ba ni don chen po gcig yin te bsam gyis mi khyab bo/ /byams pa chen
132b5 po spyad/ snying rje chen po spyad pa'i phyir ngas ma bshad na ser sna dang brkam pa'i nang du ltung ngo / /khyed la sogs pa sems gcig tu rtogs par nyon cig dang khyod la dgrol zhing bshad do/ /skyes bu dge
132b6 ba sems can la ston slob pa ston pa'i sems skye ba yang med/ mi ston pa'i sems skye ba yang med na de ni ston pa chen po zhes bya ste/ de ni sems can kun nga'i sems dang bral ba'o/ /nga'i sems
132b7 thams cad phyi mo nas stong pa mi g.yo ba ste/ stong pa'i sems thob nas sems sgyu mar sprul pa med do/ /sgyu ma yang med do/ /sprul pa yang med na gdod skye ba med pa 'thob bo/ /skye ba med pa'i
132b8 sems ni sprul pa gnas so/ /grol thar byang chub sems dpas sangs rgyas la gsol pa/ btsun pa sems can gyi sems kyi ngo bo nyid phyi mo nas stong zhing mi g.yo'o/ /stong zhing mi g.yo ba'i sems
iiif viewer powered by OpenSeadragon
Texts on this page
J80 - rdo rje'i ting nge 'dzin gyi chos kyi rnam grangs yi ge