rKTs

e-texts navigator

Volume

Page

304b₁ gnas pa nyid du 'dod/ /de nas byang chub sems dpa' blo gros chen pos tshigs su bcad pas zhu ba zhus pa/ byang chub sems dpa' la sogs pa/ /bla med byang chub tshol ba dag /sha dang chang dang sgog btsong rnams/ /'tshal zhing btung bar bgyi mi bgyi/ /bla na
304b₂ ma mchis gtso mchog gis/ /thugs rjes bdag la bshad du gsol/ /byis pa de la brkam par bgyid/ /dri nga grags pa ma mchis 'gyur/ /shi na gcan gzan rnams kyi zas/ /ji ltar de ni 'tshal bar rung / /'tshal nas nongs dmigs ci mchis dang / /
304b₃ ma 'tshal yon tan gang lags pa/ /'tshal dang ma 'tshal dge sdig rnams/ /thugs rjes bdag la bshad du gsol/ /byang chub sems dpa' blo gros chen pos tshigs su bcad pa rnams kyis zhu ba zhus nas/ yang bcom ldan 'das la 'di skad
304b₄ ces gsol to/ /bcom ldan 'das kyis bdag la sogs pa'i slad du sha 'tshal ba dang mi 'tshal ba'i nongs pa dang yon tan rnams bshad du gsol/ bdag dang byang chub sems dpa' gzhan rnams kyis da ltar dang ma 'ongs pa na sha'i zas la chags
304b₅ shing re ba'i sems can sna tshogs la rnam par phye ste chos bshad pas sems can de dag byams pa'i sems kyis phan tshun gcig la gcig lta ba dang / byams pa'i sems thob nas kyang so so'i sa la gnas shing rnam par dag pa gsal bar rtog
304b₆ ste myur du mthar thug pa'i bla na med pa yang dag par rdzogs pa'i byang chub mngon par 'tshang rgya ba dang / nyan thos dang / rang sangs rgyas dag rang gi sa la bsti zhing / bstis nas kyang bla na med pa'i byang chub 'thob par 'gyur ro/ /chos ngan pa log par smra ba'i
304b₇ mu stegs can gang dag log par lta ba dang / rtag pa dang chad pa la mngon par zhen pa rnams kyis kyang sha 'tshal ba bkag ste sha 'tshal du mi gnang ba lags na/ de bzhin gshegs pa 'jig rten gyi mgon po yang dag pa'i chos yongs su grub pas sha mi
304b₈ gsol ba lta ci smos/ bcom ldan 'das kyis bka' stsal pa/ blo gros chen po legs so legs so/ /de'i phyir shin tu legs par nyon la yid la zung shig dang ngas khyod la bshad do/ /blo gros chen pos bcom ldan 'das la gsol pa/ de bzhin du 'tshal

_{iiif viewer powered by OpenSeadragon}

304a - 305a

Texts on this page