rKTs

e-texts navigator

Volume

Page

302b₁ skad cig don du ngas bshad de/ /dngos po skyes nas 'jig par ni/ /byis pa rnams la mi 'chad do/ /bar chad med par rgyun chags dngos/ /rnam par rtog pas yongs su bsgos/ /ma rig pa ni rgyu byed de/ /sems ni de las rab tu 'byung / /
302b₂ ji srid gzugs dag ma skyes pa/ /de yi bar du phyogs ci yod/ /zhig par gyur ma thag tu ni/ /sems gzhan de'i rjes su skye/ /gzugs ni dus su mi gnas na/ /ci la dmigs te 'byung bar 'gyur/ /de dag las ni rab 'byung phyir/ /
302b₃ yang dag ma yin rgyu las skyes/ /ji ltar grub pa med pa des/ /skad cig 'jig par rab tu shes/ /rnal 'byor can gyi snyoms 'jug dang / /rdo rje sangs rgyas ring bsrel dang / /'od gsal gnas kyi gzhal med khang / /
302b₄ 'jig rten mi 'jig dngos po'o/ /yang dag chos thob gnas pa dang / /de bzhin gshegs mkhyen phun sum tshogs/ /dge slong mnyam pa nyid thob rnams/ /skad cig mar ni ji ltar mthong / /dri za sgyu ma la sogs pa'i/ /
302b₅ gzugs rnams skad cig yod ma yin/ /yang dag ma yin gzugs sogs la/ /yang dag nyid du lta bar byed/ /de nas byang chub sems dpa' blo gros chen pos yang bcom ldan 'das la 'di skad ces gsol to/ /
302b₆ bcom ldan 'das kyis ji skad du dgra bcom pa rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pas byang chub sems dpa' rnams dang mtshungs shing bye brag
302b₇ ma mchis par 'gyur ro/ /gal te sems can rnams mya ngan las 'da' ba'i chos can lags na su zhig mngon par rdzogs par byang chub par 'gyur/ /gzhan yang ji srid du de bzhin gshegs pa gang gi nub mo bla na med pa yang
302b₈ dag par rdzogs pa'i byang chub mngon par rdzogs par sangs rgyas pa nas gang gi nub mo yongs su mya ngan las 'das pa de'i bar du yi ge gcig kyang ma gsungs/ lan btab pa yang med ces bka' stsal/ gzhan yang de bzhin

_{iiif viewer powered by OpenSeadragon}

302a - 303a

Texts on this page