rKTs

e-texts navigator

Volume

Page

301b₁ pa'i snying po ni sdug bsngal dang bde ba yang myong ste/ rgyu dang lhan cig tu 'jug cing ldog go/ /gnas pa'i sa gzhi dang / ma rig pa'i gnas kyis rab tu myos pas byis pa so so'i skye bo dag skad cig mar lta ba mi rtogs shing / rnam par rtog pas
301b₂ sems yongs su bsgos par gyur to/ /gzhan yang blo gros chen po dper na gser dang / rdo rje dang / de bzhin gshegs pa'i ring bsrel dang / khyad par thob pa'i ngo bo nyid ni nam yang 'jig par mi 'gyur te/ blo gros chen po gal te
301b₃ mngon par rtogs pa thob pa skad cig pa yin na ni 'phags pa rnams 'phags pa ma yin par 'gyur ba zhig na/ 'phags pa rnams ni 'phags pa ma yin par mi 'gyur ro/ /dper na gser dang / rdo rje ni bskal pa srid du mi 'bri na
301b₄ ci'i phyir byis pa so so'i skye bo nga'i ldem por dgongs te bshad pa la mi mkhas pa dag gis phyi nang gi chos thams cad la skad cig pa'i don du rtog / byang chub sems dpa' blo gros chen pos yang bcom ldan 'das la gsol pa/
301b₅ bcom ldan 'das kyis ji skad du pha rol tu phyin pa drug yongs su rdzogs par spyad na bla na med pa yang dag par rdzogs pa'i byang chub mngon par 'tshang rgya bar 'gyur ro zhes bka' stsal na/ drug po gang lags/ bcom ldan 'das kyis
301b₆ bka' stsal pa/ blo gros chen po pha rol tu phyin pa'-i bye brag ni rnam pa gsum yod de/ 'di lta ste/ 'jig rten pa dang / 'jig rten las 'das pa dang / 'jig rten las 'das pa'i mchog go/ /blo gros chen po de la 'jig rten pa'i
301b₇ pha rol tu phyin pa ni bdag dang bdag gir 'dzin pa la mngon par zhen cing mtha' gnyis su 'dzin pa/ skye ba'i gnas sna tshogs blang ba dang / gzugs dang / sgra dang / dri dang / ro dang / reg bya la rab tu mos pa'i phyir sbyin pa'i pha rol tu
301b₈ phyin pa yongs su rdzogs par byed do/ /tshul khrims dang / bzod pa dang / brtson 'grus dang / bsam gtan dang / shes rab kyang de bzhin te byis pa so so'i skye bo'i mngon par shes pa yongs su 'grub pa dang / tshangs pa'i 'jig rten

_{iiif viewer powered by OpenSeadragon}

301a - 302a

Texts on this page