rKTs

e-texts navigator

Volume

Page

301a₁ blo gros chen po ting nge 'dzin gyi bde ba dang / snyoms par 'jug pas mthong ba'i chos la bde bar gnas pa ni 'phags pa rnams kyi dge ba zag pa med pa zhes bya'o/ /blo gros chen po de la dge ba dang mi dge ba zhes bya ba ni 'di lta ste/ rnam par
301a₂ shes pa brgyad rnams so/ /brgyad gang zhe na/ 'di lta ste/ de bzhin gshegs pa'i snying po kun gzhi rnam par shes pa zhes bsgrags pa dang / sems dang / yid dang / yid kyi rnam par shes pa dang / rnam par shes pa lnga'i tshogs
301a₃ rnams te/ mu stegs can gyis brjod par bya ba ma yin no/ /blo gros chen po rnam par shes pa'i tshogs lnga ni sems dang / yid dang / yid kyi rnam par shes pa dang lhan cig pa/ dge ba dang / mi dge ba'i mtshan nyid phan tshun du
301a₄ rnam par 'byung zh-ing 'jig pa/ rgyud kyi rgyun gyis 'jug pas rnam par mi 'jig pa/ lus byung nas skye zhing 'jig par yang 'gyur ba'o/ /rang gi sems snang ba tsam du ma rtogs pa'i phyir 'gags ma thag tu rnam par shes pa
301a₅ gzhan 'byung ste/ dbyings kyi bye brag 'dzin pa'i yid kyi rnam par shes pa rnam par shes pa'i tshogs lnga dang ldan par 'byung zhing skad c-ig gi dus su yang mi gnas pa de ni skad cig ma zhes bya'o/ /blo gros chen po de la skad cig ma
301a₆ zhes bya ba ni kun gzhi rnam par shes pa zhes bsgrags pa de bzhin gshegs pa'i snying po yid dang lhan cig skyes pa'i rnam par shes pa'i bag chags kyis skad cig pa yin gyi/ zag pa med pa'i bag chags kyis skad cig pa ni
301a₇ ma yin no/ /byis pa so so'i skye bo rnams kyis rtogs par mi 'gyur te/ 'di ltar skad cig mar smra ba la mngon par zhen pa'i phyir chos thams cad skad cig pa dang / skad cig pa ma yin pa 'di mi rtogs so/ /de chad par lta ba'i phyir 'dus ma byas
301a₈ pa'i chos rnams kyang 'jig par byed do/ /blo gros chen po rnam par shes pa bdun po rnams ni 'khor bar 'jug pa ma yin te/ sdug bsngal dang bde ba yang mi myong la/ mya ngan las 'da' ba'i rgyu yang ma yin no/ /blo gros chen po de bzhin gshegs

_{iiif viewer powered by OpenSeadragon}

300b - 301b

Texts on this page