rKTs

e-texts navigator

Volume

Page

300a₁ yongs su mya ngan las ma bzlas kyi bar du chos kyi dbyings mi 'dor te/ rang gi ting nge 'dzin dang / smon lam gyi bde ba dang / thugs rje chen po'i phyir ro/ /blo gros chen po dper na gang gA'i klung gi bye ma rnams ni chu'i rgyun gyi rjes su
300a₂ 'bab ste/ chu med par ni ma yin no/ /de bzhin du blo gros chen po de bzhin gshegs pa rnams kyis bstan pa'i chos thams cad kyang mya ngan las 'das pa'i rgyun gyi rjes su 'bab pas de'i phyir 'di skad du gang gA'i klung gi bye ma dang mnyam pa
300a₃ zhes bshad do/ /de bzhin gshegs pa ni 'gro ba rnams kyi rjes su mi 'jug ste/ rjes su 'bab cing 'gro ba ni 'jig pa'i don yin pa'i phyir ro/ /blo gros chen po 'khor ba'i thog ma'i mtha' shes par mi nus pa'i phyir/ shes pa med na
300a₄ ji ltar 'gro ba zhes bshad/ blo gros chen po 'gro ba zhes bya ba ni chad pa'i don yin na byis pa so so'i skye bo rnams kyis mi shes so/ /blo gros chen pos bcom ldan 'das la gsol pa/ bcom ldan 'das gal te sems can rnams
300a₅ 'khor ba'i thog ma'i mtha' 'tshal ba ma mchis na ji ltar rnam par thar pa khong du chud par 'gyur/ bcom ldan 'das kyis bka' stsal pa/ blo gros chen po thog ma med pa'i dus kyi rnam par spros pa'i gnas ngan len rnam par rtog
300a₆ pa'i bag chags kyi rgyu 'gag cing rang gi sems snang ba tsam du mthong ba'i tshe shes so/ /phyi rol gyi don dang / rnam par rtog pa'i lus gnas gyur pa la thar pa zhes bya'i/ 'jig pa ni ma yin no/ /de bas na mtha' med pa zhes bya ba ni
300a₇ ci yang med pa ma yin te/ de dag rnam par rtog pa'i phyir mtha' med pa zhes bya ba la sogs pa'i ming gi rnam grangs byas pa yin no/ /phyi dang nang gnyis ka rab tu brtags na rnam par rtog pa las logs shig na gzhan tha dad pa'i
300a₈ sems can gang yang med pas shes pa dang / shes bya dang / chos thams cad ni rab tu dben pa yin te/ rang gi sems snang ba'i rnam par rtog pa yongs su ma shes pa'i phyir rnam par rtog pa skye'i/ gal te yongs su shes par gyur na

_{iiif viewer powered by OpenSeadragon}

299b - 300b

Texts on this page