rKTs

e-texts navigator

Volume

Page

298b₁ par shes pa brgyad dang / bdag med pa gnyis dang / sangs rgyas kyi chos thams cad kyang der 'dus te/ de lta bas na blo gros chen po de la bdag nyid gyis nan tan du bslab par bya zhing gzhan la yang bslab par bya ste/ gzhan gyi rjes su
298b₂ 'brang bar mi bya'o/ /de nas bcom ldan 'das kyis don de nyid yang bstan pa'i phyir tshigs su bcad pa 'di dag gsungs so/ /chos lnga dang ni rang bzhin gsum/ /rnam shes brgyad po nyid dag dang / /bdag med don ni rnam gnyis por/ /theg
298b₃ chen thams cad bsdus pa yin/ /ming dang rgyu mtshan rnam par rtog /rang bzhin gnyis kyi mtshan nyid de/ /yang dag ye shes de bzhin nyid/ /yongs su grub pa'i mtshan nyid do/ /de nas byang chub sems dpa' blo gros chen pos yang bcom ldan 'das
298b₄ la 'di skad ces gsol to/ /ji ltar bcom ldan 'das kyis gsungs pa ltar na 'das pa'i sangs rgyas rnams ni gang gA'i klung gi bye ma snyed de/ ma 'angs pa dang / da ltar gyi yang de bzhin no zhes bka' stsal na/ bcom ldan 'das 'di la sgra ji
298b₅ bzhin du don gzung bar bgyi 'am/ 'on te don gzhan zhig mchis lags/ bcom ldan 'das thugs brtse bar dgongs te bshad du gsol/ bcom ldan 'das kyis bka' stsal pa/ blo gros chen po sgra ji bzhin du don gzung bar mi bya ste/ dus
298b₆ gsum gyi de bzhin gshegs pa rnams ni yang dag par gang gA'i klung gi bye ma snyed du ma yin no/ /de ci'i phyir zhe na/ 'jig rten pa'i bsam pa las 'das pas dpe rnams kyis dper bya ba ma yin no/ /'di ltar byis pa so so'i skye bo rtag pa
298b₇ la mngon par zhen pa dang / mu stegs can gyi rnam par btags pa'i lta ba ngan pa 'phel nas 'khor ba la thug pa med par 'gyur ba dag 'khor bar 'gro ba'i 'khor lo la yongs su skyo bar bya ba dang / brtson 'grus khyad par can rtsom du
298b₈ gzhug pa'i phyir de dag la 'di skad du de bzhin gshegs pa rnams ni mthong bar sla bas u dum ba ra'i me tog lta bu ma yin no zhes bstan te mthong bar dka' zhes brtsom pa gtong bar 'gyur ba'i phyir ro/ /res 'ga' ni 'dul ba'i

_{iiif viewer powered by OpenSeadragon}

298a - 299a

Texts on this page