rKTs

e-texts navigator

Volume

Page

297b₁ chos kyi tshul gyi mtshan nyid/ rtog ge pa'i lta ba ya mtshan gyi mtshan nyid dang bral bas rim gyis chos kyi sprin gyi bar du 'thob par 'gyur te/ bar de yang ting nge 'dzin dang / stobs dang / dbang dang / mngon par shes pa rgyas shing de bzhin
297b₂ gshegs pa'i sa'i bar du 'thob par 'gyur ro/ /de thob nas chu'i zla ba bzhin du sprul pa rnam pa sna tshogs kun du ston cing sems can yongs su smin par byed pa ni mthar thug pa'i gnas bcu yongs su rdzogs nas mos pa
297b₃ sna tshogs pa'i sems can rnams la rab tu 'byed cing chos ston kyang chos kyi sku ni yid kyi mngon par 'du byed pa dang bral ba'o/ /'di ni byang chub sems dpa' rnams de bzhin nyid la zhugs nas thob pa zhes bya'o/ /de nas byang chub sems
297b₄ dpa' blo gros chen pos bcom ldan 'das la 'di skad ces gsol to/ /bcom ldan 'das ci rang bzhin gsum po rnams chos lnga'i nang du 'dus pa zhig lags sam/ 'on te so so nas rang gi mtshan nyid du grub pa zhig lags/ bcom ldan
297b₅ 'das kyis bka' stsal pa/ blo gros chen po rang bzhin gsum dang / rnam par shes pa brgyad dang / bdag med pa gnyis kyang chos lnga'i nang du 'dus so/ /blo gros chen po ming dang rgyu mtshan de dag ni kun du brtags pa'i rang bzhin yin no/ /
297b₆ blo gros chen po rnam par rtog pa de la brten nas sems dang sems las byung ba'i chos ming dang lhan cig skye ste/ ji ltar nyi ma dang 'od zer lhan cig 'byung ba bzhin du sna tshogs kyi mtshan nyid so sor rnam par brtag cing / 'dzin par byed pa
297b₇ de ni gzhan gyi dbang gi rang bzhin zhes bya'o/ /blo gros chen po yang dag pa'i ye shes dang / de bzhin nyid ni mi 'jig pa'i phyir yongs su grub pa'i ngo bo nyid ces bya'o/ /gzhan yang blo gros chen po rang gi sems snang ba'i rnam par rtog pa la
297b₈ rnam pa brgyad du dbye ste/ 'di lta ste/ kun gzhi rnam par shes pa dang / yid dang yid kyi rnam par shes pa dang / rnam par shes pa'i tshogs lnga'o/ /de la rgyu mtshan ni yang dag pa ma yin pa'i mtshan nyid la kun du brtags pa'i phyir bdag dang

_{iiif viewer powered by OpenSeadragon}

297a - 298a

Texts on this page